ဖားကန့်
ကချင်ပြည်နယ်၊ ဖားကန့်မြို့၌ ဒီဇင်ဘာ ဒုတိယပတ် လူထုလမ်းလျှောက်ပွဲကို မြို့နယ်အုပ်ချုပ်ရေးမှူး ဦးဉာဏ်လင်းအောင် ဦးဆောင်သည့် ဌာနဆိုင်ရာများနှင့် မြို့နေပြည်သူလူထုများက ယနေ့နံနက် (၅)နာရီတွင် မော်ဝမ်းရပ်ကွက်၊ လွတ်လပ်ရေးကျောက်တိုင်ကွင်းအတွင်း စတင်စုဝေး၍ အမှတ်(၁) လမ်းမကြီးအတိုင်း စုပေါင်းလမ်းလျှောက်ခဲ့ကြပြီး အ.ထ..က(ဖားကန့်)အပေါ်လမ်းမှ ပတ်လျက်လာလမ်းအတိုင်း ပြန်လှည့်ကာ စုရပ်ကျောက်တိုင်ကွင်းအတွင်း ကိုယ်လက်လှုပ်ရှား လေ့ကျင့်ခန်းအားကစားများ ပြုလုပ်ခဲ့ကြသည်။
မြို့နယ်စီမံခန့်ခွဲမှုကော်မတီမှ လူထုလမ်းလျှောက်ပွဲတွင် ပါဝင်သူများအား လျှပ်စစ်ရေနွေး ဓာတ်ဘူးများ၊ ခြုံသဘက်များ၊ ဦးထုပ်များနှင့် အနွေးစီးဖိနပ်များ မဲဖောက်ပေးသည့်အပြင် ကောက်ညှင်းပေါင်းနှင့် အကြော်များလည်း စတုဒိသာ ဝေငှပေးခဲ့ကြောင်း သိရသည်။
တာလင်းမောင်(ပြန်/ဆက်)
