ကျန်းမာကြံ့ခိုင်သောမြန်မာလူမျိုးများဖြစ်ပေါ်လာစေရေးအတွက် ကိုယ်လက်လှုပ်ရှား အားကစား ပြုလုပ်ခြင်းသည် ကျန်းမာရေးအတွက် အဓိကကျသည်ဟူသော Healthy Myanmar Seminar (Exercise is Medicine) ဆွေးနွေးပွဲ ဒုတိယနေ့ဆက်လက်ကျင်းပ၊ ကျန်းမာရေးနှင့်အားကစားဝန်ကြီးဌာန၊ ပြည်ထောင်စ

နေပြည်တော်၊ အောက်တိုဘာ(၃)ရက်။

မြန်မာလူမျိုးများမှာ ကျန်းမာကြံ့ခိုင်ပြီး တစ်မျိုးသား လုံး ကျန်းမာစေရန် ရည်ရွယ်၍ ကျန်းမာရေးအတွက် မဟာဗျူဟာကျကျ အမျိုးသားကျန်းမာရေး၊ စီမံကိန်းပေါ်ထွက်လာစေရန် ရည်ရွယ်၍အားကစားပြုလုပ်ခြင်းဖြင့် ကျန်းမာရမည်ဟူသော ဆွေးနွေးပွဲ ဒုတိယနေ့ စာတမ်းဖတ်ပွဲ Healthy Myanmar Seminar( Exercise is Medicine) ဆွေးနွေးပွဲကို ယနေ့နံနက် (၉)နာရီအချိန်တွင် နေပြည်တော်ရှိ ( ံသအနူ ျွသပူေ ဗခန ) ၌ ကျင်းပပြုလုပ်ရာကျန်းမာရေးနှင့်အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေး တက်ရောက်အမှာစကားပြောကြားပါသည်။

ရှေးဦးစွာ အစီအစဉ်အရ ယမန်နေ့ ဆွေးနွေးပွဲမှ ကျန်းမာရေး၊ အားကစားနှင့်ပတ်သက်၍ အသိပညာရှင်၊ အတတ်ပညာရှင်များ၏ ဆွေးနွေးချက်များအား အခမ််းအနားသို့ တက်ရောက် လာသော ကျန်းမာရေးနှင့်အားကစားဝန်ကြီးဌာနမှ အသိပညာရှင် အတတ်ပညာရှင်များ ပညာရေး ဝန်ကြီးဌာနမှာ တာဝန်ရှိသူများ၊ တိုင်းဒေသကြီးနှင့်ပြည်နယ်အသီးသီးမှ တာဝန်ရှိသူများ၊ လူမှုရေး ဝန်ကြီးများ၊ အားကစားနှင့်ကာယပညာဦးစီးဌာနမှ တိုင်း/ခရိုင်/မြို့နယ်အသီးသီးမှ တာဝန်ခံ အရာရှိများ၊ မြန်မာနိုင်ငံအမျိုးသမီးအားကစားအဖွဲ့ချုပ်မှ ဥက္ကဌနှင့် အတွင်းရေးမှူး၊ ဖိတ်ကြားထား သူများမှ အုပ်စု (၄)စုခွဲ၍ အသီးသီး ဆွေးနွေးချက်များအား ဝိုင်းဝန်း၍စာတမ်းပြုစုကြပါသည်။

အစည်းအဝေး၏မွန်းလွဲပိုင်းအချိန်တွင် ‘‘ကိုယ်လက်လှုပ်ရှားအားကစားပြုလုပ်ခြင်းဖြင့် ကျန်းမာရမည်’’ဟူသော ခေါင်းစဉ်အား စာတမ်းပြုစုထားသော အုပ်စု(၄)စုမှ ကိုယ်စားလှယ်များမှ ဝိုင်းဝန်းဆွေးနွေး အကြံပြုရရှိချက်များအား ဆွေးနွေးတင်ပြပါသည်။

ဆက်လက်၍ ပြည်ထောင်စုဝန်ကြီး ဒေါက်တာမြင့်ထွေးမှ ပြန်လည်ဆွေးနွေးပြောကြားရာ တွင် ယနေ့အခမ်းအနားသို့ တက်ရောက်ဝိုင်းဝန်းဆွေးနွေးအကြံပြုကြပါသော အသိပညာရှင်၊ အတတ်ပညာရှင်များအား ကျေးဇူးတင်ရှိပါကြောင်း၊ ယနေ့ဝိုင်းဝန်ဆွေးနွေး အကြံပြုချက်များမှာ ထင်မှတ်ထားသည့်ထက် ပိုမိုကောင်းမွန်၍ အထူးဝမ်းမြောက် ကျေးဇူးတင်ရှိ ပါကြောင်း၊ ယနေ့တွင် တက်ရောက်လာသော အုပ်စုအသီးသီး၏ အကြံပြုချက်များကို နိုင်ငံတော်ရှိ ပြည်သူများအတွက် အလွန်ကျေးဇူးရရှိစေရန် အကောင်းဆုံး (Plan) တစ်ခုကိုပြန်ရေးဆွဲ အတည်ပြု၍ နိုင်ငံတော် အကြီးအကဲထံတင်ပြ၍ လက်တွေ့အကောင်အထည်ဖော် ဆောင်ရွက်သွားမည်ဖြစ်ပါကြောင်း၊ (Plan) ကောင်းများကို ဘယ်လိုရေးဆွဲစေကာမူ လက်တွေ့အကောင်အထည်ဖော်နိုင်ခြင်း မရှိပါက အသုံးဝင်မည်မဟုတ်ပါကြောင်း၊ ထို့သိုလက်တွေ့ အကောင်အထည်ဖော်ရာတွင် ကျန်းမာရေးနှင့် အားကစားဝန်ကြီးဌာန တစ်ခုတည်းဆောင်ရွက်၍ မရနိုင်ပါ၊ အခြားဝန်ကြီးဌာနများ၊ တိုင်းဒေသကြီးနှင့် ပြည်နယ်အစိုးရအဖွဲ့များ၊ လူတန်းစားအလွာအသီးသီးမှ ပြည်သူများ ပါဝင်ပူုးပေါင်းဆောင်ရွက်ရမည်ဖြစ်ပါကြောင်း၊ လက်တွေ့ အကောင်အထည်ဖော်ဆောင်ရွက်ရာတွင် လည်း ထွက်ပေါ်လာသော အစီအစဉ်များအား ဒေသအလိုက် ကွဲပြားခြားနား၍ လုပ်ဆောင်ချက် များ မတူညီနိုင်ပါကြောင်း၊ မိမိတိုင်းဒေသကြီးနှင့်ပြည်နယ်များ၏ ဒေသအလိုက်ကိုက်ညီမည့် လုပ်ငန်းများကို လက်တွေ့အကောင်အထည်ဖော်ရမည်ဖြစ်ပါကြောင်း၊ ထိုသို့ တိုင်းဒေသကြီးနှင့် ပြည်နယ်အသီးသီးတို့၏ လက်တွေ့အကောင်အထည်ဖော်မှုအား မိမိတို့ကျန်းမာရေးနှင့် အားကစားဝန်ကြီးဌာနမှ အတတ်နိုင်ဆုံးအကောင်းဆုံးဖြစ်အောင် ငွေကြေး၊ နည်းစနစ်၊ အားကစား အထောက်အကူပြုပစ္စည်းများကို ပံ့ပိုးပေးသွားမည် ဖြစ်ပါကြောင်း၊

လာမည့် ၂ဝ၁၈-၂ဝ၁၉ ဘဏာရေးနှစ်များတွင် နိုင်ငံတဝှမ်းရှိ တိုင််းဒေသကြီးနှင့်ပြည်နယ် အသီးသီးမှ အားကစားကွင်း၊ အားကစားရုံများ၊ ရေကူးကန်များအား အဟောင်းများကိုပြုပြင် အသစ်များကို တိုးချဲ့ဆောက်လုပ်ပြီး မြန်မာနိုင်ငံတစ်ဝှမ်းရှိပြည်သူများ၊ အားကစားကို ကျယ်ကျယ်ပြန့်ပြန့် လုပ်ဆောင်နိုင်ရေးဆောင်ရွက်သွားမည်ဖြစ်ပါကြောင်း၊ ပြည်သူများကိုလည်း အဆိုပါ အားကစားကွင်း၊ အားကစားရုံအသီးသီး၌ မည်သူမဆို အားကစားပြုလုပ်နိုင်ရေး အသိပေး ကြော်ငြာသွားမည်ဖြစ်ပါကြောင်း၊ တိုင်းဒေသကြီးနှင့်ပြည်နယ်အသီးသီးတွင် လုပ်ငန်းများ အဆင့်ဆင့် အကောင်အထည်ဖော်ဆောင်ရွက်ရာတွင် အောင်မြင်မှုရရှိရေးအတွက် ကျန်းမာရေးနှင့် အားကစားဝန်ကြီးဌာနမှ အရာရှိကြီးများအား သီးခြားစီတာဝန်ပေး၍ ပူးပေါင်းဆောင်ရွက်သွားမည် ဖြစ်ပါကြောင်း၊ အထူးသဖြင့် ပညာရေးဝန်ကြီးဌာနရှိ အခြေခံပညာကျောင်းများ၌ လုပ်ငန်းများ ဆောင်ရွက်ရာတွင် ပညာရေးဝန်ကြီးဌာနနှင့် ပူးပေါင်းဆောင်ရွက်သွားမည်ဖြစ်ပါကြောင်း၊ လိုအပ်သည့်အားကစား အထောက်အကူပြုပစ္စည်းများအား ပံ့ပိုးနိုင်ရေးကြိုတင် ဆောင်ရွက်သွား မည်ဖြစ်ပါကြောင်း၊ ဝန်ကြီးဌာနအသီးသီး၌လည်း လုပ်ငန်းအဆင့်ဆင့် အကောင်အထည်ဖော် ဆောင်ရွက်နိုင်ရေး ပူးပေါင်းညှိနှိုင်းဆောင်ရွက်သွားမည်ဖြစ်ပါကြောင်း ပြောကြားပါသည်။

ဆက်လက်၍ အခမ်းအနားတက်ရောက်လာကြသူများမှ ဆွေးနွေးအကြံပြုချက်များအား ထပ်မံဝိုင်းဝန်းဆွေးနွေးခဲ့ကြပြီးနောက် အခမ်းအနားကို ရုတ်သိမ်းခဲ့ကြောင်း သတင်းရရှိပါသည်။

185 reads

Share this!