skip to content
 
ရန်ကုန် ၂ ဇူလိုင်
 
၂၀၁၉ ခုနှစ် ဇူလိုင် ၄ ရက်မှ ၇ ရက်အထိ  ဗီယက်နမ်နိုင်ငံ KM CAM RANH Golf Links (KHANH HOA) ၌ ကျင်းပမည့်  15th VIETNAM AMATEUR OPEN 2019 (VAO) ပြိုင်ပွဲနှင့် 8th VIETNAM LADIES AMATEUR OPEN 2019 (VLAO) ဂေါက်သီးရိုက်ပြိုင်ပွဲတွင် မြန်မာဂေါက်သီးရိုက် ကစားသမားများ ဝင်ရောက်ယှဉ်ပြိုင်မည်ဖြစ်သည်။
 
ပြိုင်ပွဲဝင်မည့် မြန်မာ့လက်ရွေးစင် ဂေါက်သီးရိုက်ကစားသမား ခြောက်ဦးသည် ဇူလိုင် ၂ ရက်က ထွက်ခွာသွားရာ မြန်မာနိုင်ငံဂေါက်သီးအဖွဲ့ချုပ် တွဲဖက်အထွေထွေအတွင်းရေးမှူး ဦးမျိုးသီဟနှင့် ဗဟိုအလုပ်အမှုဆောင် ဦးမြင့်အောင်တို့က ရန်ကုန်အပြည်ပြည်ဆိုင်ရာလေဆိပ်တွင် ပို့ဆောင်နှုတ်ဆက်ကြသည်။
 
15th VIETNAM AMATEUR OPEN 2019 ပြိုင်ပွဲတွင် မြန်မာအမျိုးသား ဂေါက်သီးအားကစားသမားများဖြစ်သော လှိုင်မင်းထက်၊ ရာဇာအောင်၊ ပြည့်ဖြိုးသူ၊ သီဟမျိုးဆက်နှင့် 8th VIETNAM LADIES AMATEUR OPEN 2019 ဂေါက်သီးရိုက်ပြိုင်ပွဲတွင် အမျိုးသမီးဂေါက်သီးအားကစားသမားများဖြစ်ကြသော ဖူးပွင့်ရတီခိုင်နှင့် သင်းဝေခိုင်တို့ ဝင်ရောက်ယှဉ်ပြိုင်မည်ဖြစ်သည်။
 
ထို့ပြင် မြန်မာအမျိုးသား ဂေါက်သီးအားကစားသမားများဖြစ်ကြသော လှိုင်မင်းထက်၊ ရာဇာအောင်နှင့် သီဟမျိုးဆက်တို့သည် ဇူလိုင် ၁၅ ရက်မှ ၁၇ ရက်အထိ စင်ကာပူနိုင်ငံ၌ ကျင်းပမည့် 72nd Singapore Open Amateur Championship ဂေါက်သီးရိုက်ပြိုင်ပွဲတွင်လည်း ဝင်ရောက်ယှဉ်ပြိုင်မည်ဖြစ်သည်။ 
 
သတင်း - ဖိုးသော်ဇင် 
ဓာတ်ပုံ - ဂေါက်သီးအဖွဲ့ချုပ်
  • 3 reads
  • Printer-friendly version

back to top
Eng