မြန်မာကစားသမား အောင်လအန်ဆန်သည် လိုက်ဟဲဗီးဝိတ်တန်း ကမ္ဘာ့ချန်ပီယံဆုကို ကာကွယ်နိုင်ခဲ့ကာ ဝိတ်တန်းနှစ်ခု၏ချန်ပီယံအဖြစ် ဆက်လက် ရပ်တည်နိုင်ခဲ့သည့်အတွက် ကျန်းမာရေးနှင့်အားကစားဝန်ကြီးဌာနမှ လှိုက်လှဲစွာဂုဏ်ပြု

နေပြည်တော်အောက်တိုဘာလ(၁၄)ရက်။

MMA မစ်ဒယ်ဝိတ်တန်း နှင့် လိုက်ဟဲဗီးဝိတ်တန်း လက်ရှိကမ္ဘာ့ချန်ပီယံ မြန်မာကစားသမား အောင်လအန်ဆန်သည် ၂၀၁၉ ခုနှစ် အောက်တိုဘာလ ၁၃ ရက်နေ့ နံနက်ပိုင်းနှင့်ညနေပိုင်းက ဂျပန်နိုင်ငံ တိုကျိုမြို့တွင် ကျင်းပသည့် ONE Championship Century MMA ပြိုင်ပွဲ တွင် စိန်ခေါ်သူ ဟဲဗီးဝိတ်တန်းကမ္ဘာ့ချန်ပီယံ ဖိလစ်ပိုင်ကစားသမား ဘရန်ဒန်ဗီရာတိုအား ဒုတိယအချီတွင် အနိုင်ရယူပြီး လိုက်ဟဲဗီးဝိတ်တန်း ကမ္ဘာ့ချန်ပီယံဆုကို ကာကွယ်နိုင်ခဲ့ကာ ဝိတ်တန်းနှစ်ခု၏ချန်ပီယံအဖြစ် ဆက်လက် ရပ်တည်နိုင်ခဲ့သည့်အတွက် ကျန်းမာရေးနှင့်အားကစားဝန်ကြီးဌာနမှ လှိုက်လှဲစွာ ဂုဏ်ပြုမှတ်တမ်းတင်အပ်ပါသည်။