ကျိုက်လတ်
ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်တွင် ပြည်သူများ ကျန်းမာကြံ့ခိုင်ရေးနှင့် လမ်းလျှောက်သည့် အလေ့အကျင့်ကောင်းများ ရရှိစေရန် ရည်ရွယ်၍ဒီဇင်ဘာ လူထုစုပေါင်း လမ်းလျှောက်ပွဲ ဒုတိယပတ်နှင့် အားကစားပြိုင်ပွဲများကိုယနေ့နံနက်(၅)နာရီက ကျင်းပခဲ့သည်။
လမ်းလျှောက်ပွဲတွင် လွှတ်တော်ကိုယ်စားလှယ်များ၊ ဌာနဆိုင်ရာအကြီးအကဲများနှင့် ဝန်ထမ်းများ၊ ဆရာ/ဆရာမများနှင့် ကျောင်းသား/ကျောင်းသူများ၊ အသင်းအဖွဲ့များ၊ ဒေသခံပြည်သူများ စုပေါင်းပါဝင်၍မြို့နယ် အထွေထွေအုပ်ချုပ်ရေးဉီးစီးဌာနရုံးရှေ့စုရပ်မှ မြို့အဝင်ဆိုင်းဘုတ်အထိစုပေါင်း လမ်းလျှောက်ကြပြီး အစိုးရစက်မှုလက်မှုသိပ္ပံကျောင်းရှေ့၌ စုပေါင်းကိုယ်ကာယလေ့ကျင့်ခန်းများ ပြုလုပ်ခဲ့ကြသည်။
လမ်းလျှောက်ပွဲ ပါဝင်သူများအား ကောက်ညှင်းပေါင်းဖြင့် ဧည့်ခံကျွေးမွေးခဲ့ကြောင်း သိရသည်။
ရီရီမြင့်(ပြန်/ဆက်)
