skip to content
 
နေပြည်တော်၊ သြဂုတ်လ(၁၄)ရက်။
 
ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာနနှင့် မြန်မာနိုင်ငံဘောလုံးအဖွဲ့ချုပ်တို့ ပူးပေါင်း၍ ၂ဝ၁၈ခုနှစ်၊ တိုင်းဒေသကြီးနှင့်ပြည်နယ် ဖူဆယ်ပြိုင်ပွဲ အုပ်စုပွဲစဉ်များကို ယနေ့နံနက်(၈:ဝဝ)နာရီအချိန်မှစ၍ ဝဏ္ဏသိဒ္ဓီဖူဆယ်ပြိုင်ပွဲရုံ၌ ကျင်းပပြုလုပ်ရာ အမျိုးသား ကွာတားဖိုင်နယ်ပွဲစဉ်များအဖြစ် ယှဉ်ပြိုင်ရာတွင် မန္တလေးတိုင်းဒေသကြီးအသင်းမှ နေပြည်တော်အသင်းကို (၄)ဂိုး ဂိုးမရှိဖြင့်လည်းကောင်း၊ ရှမ်းပြည်နယ်အသင်းမှ ရခိုင်ပြည်နယ်အသင်းကို (၁ဝ)ဂိုး (၃)ဂိုးဖြင့်လည်းကောင်း၊ စစ်ကိုင်းတိုင်းဒေသကြီးအသင်းမှ မကွေးတိုင်းဒေသကြီးအသင်းကို (၅)ဂိုး ဂိုးမရှိဖြင့် လည်းကောင်း၊ ရန်ကုန်တိုင်းဒေသကြီးအသင်းမှ တနင်္သာရီတိုင်းဒေသကြီးအသင်းကို (၆)ဂိုး (၃)ဂိုး ဖြင့် လည်းကောင်း အသီးသီးအနိုင်ရရှိသွားကြောင်း သတင်းရရှိပါသည်။
 
(၁၅.၈.၂ဝ၁၈) ရက်နေ့ ဝဏ်ဏသိဒ်ဓိဖူဆယ်ပြိုင်ပွဲရုံတွင် အမျိုးသားဆီမီးဖိုင်နယ် ပွဲစဉ်များအဖြစ် မန်တလေးတိုင်းဒေသကြီးအသင်းနှင့် ရှမ်းပြည်နယ်အသင်း၊ စစ်ကိုင်းတိုင်းဒေသကြီးအသင်းနှင့် ရန်ကုန်တိုင်း ဒေသကြီးအသင်း၊ အမျိုးသမီးဆီမီးဖိုင်နယ် ပွဲစဉ်များအဖြစ် ပဲခူးတိုင်းဒေသကြီးအသင်းနှင့် ရန်ကုန်တိုင်းဒေသကြီးအသင်း၊ ကချင်ပြည်နယ်အသင်းနှင့် မန္တလေးတိုင်းဒေသကြီးအသင်းတို့သည် နေ့စဉ် နံနက် (၈:ဝဝ) နာရီ အချိန်မှစတင်ပြီး ယှဉ်ပြိုင်ကစားကြမည် ဖြစ်ပါသဖြင့် အားကစားကိုစိတ်ပါဝင်စားသော မိဘပြည်သူများ အနေဖြင့် မည်သူမဆို အခမဲ့လာရောက် ကြည့်ရှုနိုင်ပါကြောင်း သိရှိရပါသည်။
  • 8 reads
  • Printer-friendly version

back to top
Eng