Published on spedmyanmar (https://www.67694772-70-20191006153726.webstarterz.com/spedmyanmar.com)

Home > မြန်မာ ယူ-၁၆ အမျိုးသမီးဘောလုံးအသင်း ဂျပန်နိုင်ငံသို့ သွားရောက်လေ့ကျင့်ရန်စီစဉ်

မြန်မာ ယူ-၁၆ အမျိုးသမီးဘောလုံးအသင်း ဂျပန်နိုင်ငံသို့ သွားရောက်လေ့ကျင့်ရန်စီစဉ်

ရန်ကုန်၊ ဒီဇင်ဘာ ၂၂

၂၀၁၉ အာရှ ယူ-၁၆ အမျိုးသမီးချန်ပီယံရှစ် ဒုတိယအဆင့်ခြေစစ်ပွဲအတွက် ပြင်ဆင်လျက်ရှိသည့် မြန်မာ ယူ-၁၆ အမျိုးသမီးဘောလုံးအသင်းသည် ပြိုင်ပွဲ မတိုင်မီ ဂျပန်နိုင်ငံသို့သွားရောက်၍ လေ့ကျင့်မှုများပြုလုပ်ရန် စီစဉ်နေကြောင်းသိရသည်။

မြန်မာယူ-၁၆အမျိုးသမီးအသင်းသည် အဆိုပါပြိုင်ပွဲအတွက် ဒီဇင်ဘာ ၁၀ရက်မှစ၍ ပဏာမကစားသမား ၂၉ဦးဖြင့်လေ့ကျင့်မှုများပြလုပ်နေခြင်းဖြစ်ပြီး အသင်း၏နည်းပြချုပ်အဖြစ် ဒေါ်စန်းစန်းသိန်းကတာ၀န်ယူထားသည်။

အာရှ ယူ-၁၆ အမျိုးသမီးချန်ပီယံရှစ် ဒုတိယအဆင့်ခြေစစ်ပွဲကို မြန်မာနိုင်ငံက အိမ်ရှင်အဖြစ် ၂၀၁၉ ခုနှစ် ဖေဖော်ဝါရီ ၂၇ ရက်မှ မတ် ၃ ရက်အထိ လက်ခံ ကျင်းပမည်ဖြစ်ပြီး ယင်းပြိုင်ပွဲတွင် မြန်မာ ယူ-၁၆ အမျိုးသမီးအသင်းက အုပ်စု(ခ)၌ တရုတ်၊ ဘင်္ဂလားဒေ့ရှ်၊ ဖိလစ်ပိုင်အသင်းတို့နှင့် အတူကျရောက် နေပြီး ထိပ်ဆုံးနှစ်သင်းက ခြေစစ်ပွဲအောင်မြင်မည်ဖြစ်သည်။

‘ဂျပန်နိုင်ငံမှာ သွားရောက်လေ့ကျင့်ဖို့အတွက် မြန်မာနိုင်ငံဘောလုံးအဖွဲ့ချုပ်ထံ စာတင်ထားပြီးပါပြီး။ နည်းစနစ်ဌာနက သွားရောက်လေ့ကျင့်ဖို့ခွင့်ပြုရင် ဇန်နဝါရီနောက်ဆုံးပတ်မှာ သွားရောက်လေ့ကျင့်ဖို့ စီစဉ်မှာပါ”ဟု နည်းပြ ဒေါ်စန်းစန်းသိန်းက ပြောသည်။

မြန်မာ ယူ-၁၆ အမျိုးသမီးဘောလုံးအသင်းသည် ပထမအဆင့်ခြေစစ်ပွဲတွင် မလေးရှားအသင်းကို ၃ ဂိုး ဂိုးမရှိ၊ နီပေါအသင်းကို ၁၁ ဂိုး ၁ ဂိုး၊ ဖိလစ်ပိုင် အသင်းကို ၅ ဂိုး ၁ ဂိုး တို့ဖြင့် အနိုင်ရရှိကာ ဒုတိယအဆင့် ခြေစစ်ပွဲသို့ တက်ရောက်ခဲ့ခြင်းဖြစ်ကြောင်းသိရသည်။

TZW, Crd: myawadynews

Source URL: https://www.67694772-70-20191006153726.webstarterz.com/spedmyanmar.com/content/%E1%80%99%E1%80%BC%E1%80%94%E1%80%BA%E1%80%99%E1%80%AC-%E1%80%9A%E1%80%B0-%E1%81%81%E1%81%86-%E1%80%A1%E1%80%99%E1%80%BB%E1%80%AD%E1%80%AF%E1%80%B8%E1%80%9E%E1%80%99%E1%80%AE%E1%80%B8%E1%80%98%E1%80%B1%E1%80%AC%E1%80%9C%E1%80%AF%E1%80%B6%E1%80%B8%E1%80%A1%E1%80%9E%E1%80%84%E1%80%BA%E1%80%B8-%E1%80%82%E1%80%BB%E1%80%95%E1%80%94%E1%80%BA%E1%80%94%E1%80%AD%E1%80%AF%E1%80%84%E1%80%BA%E1%80%84%E1%80%B6%E1%80%9E%E1%80%AD%E1%80%AF%E1%80%B7-%E1%80%9E%E1%80%BD%E1%80%AC%E1%80%B8%E1%80%9B%E1%80%B1%E1%80%AC%E1%80%80%E1%80%BA%E1%80%9C%E1%80%B1%E1%80%B7%E1%80%80%E1%80%BB%E1%80%84%E1%80%B7%E1%80%BA%E1%80%9B%E1%80%94%E1%80%BA%E1%80%85%E1%80%AE%E1%80%85%E1%80%89%E1%80%BA