Published on spedmyanmar (https://www.67694772-70-20191006153726.webstarterz.com/spedmyanmar.com)

Home > ၂၀၁၈ခုနှစ်၊ ကယားပြည်နယ် လွိုင်ကော်မြို့နယ်၊ ဧက ၅၀၀ရပ်ကွက်တွင် လူထုစုပေါင်းလမ်းလျှောက်ပွဲကျင်းပပြုလုပ်

၂၀၁၈ခုနှစ်၊ ကယားပြည်နယ် လွိုင်ကော်မြို့နယ်၊ ဧက ၅၀၀ရပ်ကွက်တွင် လူထုစုပေါင်းလမ်းလျှောက်ပွဲကျင်းပပြုလုပ်

လွိုင်ကော်၊ ဒီဇင်ဘာလ(၃၀) 

တစ်မျိုးသားလုံးကျန်းမာကြံ့ခိုင်ရေးအတွက်အထောက်အကူဖြစ်စေရန်အကောင်အထည်ဖော်ဆောင်ရွက်ရာတွင် မြို့ပြနှင့်ကျေးရွာများ ပြိုင်တူဖွံ့ဖြိုးတိုးတက်စေရန် ကယားပြည်နယ်အစိုးရအဖွဲ့၏ လမ်းညွှန်ကြီးကြပ်မှုဖြင့်လူထုစုပေါင်းလမ်းလျှောက်ပွဲများကျင်းပခြင်း၊ အားကစားပြိုင်ပွဲများကျင်းပပေးခြင်းတို့ကိုဆောင်ရွက်ပေးလျက်ရှိရာ  ယ​နေ့နံနက်(၅:၃၀)အချိန်တွင် လွိုင်ကော်မြို့နယ်၊ ဧက(၅၀၀)ရပ်ကွက်တွင် လောပီတလမ်းမကြီးဆေးတပ်စုရပ်မှစတင်၍ လူထုစုပေါင်းလမ်းလျှောက်ပွဲကိုကျင်းပပြုလုပ်ခဲ့ရာ အဆိုပါလမ်း​လျှောက်ပွဲသို့ အားကစားနှင့်ကာယပညာဦးစီးဌာနမှ ညွှန်ကြားရေးမှူး၊ ဒုတိယညွှန်ကြားရေးမှူး၊ မြို့နယ်အုပ်ချုပ်ရေးမှူးနှင့် ပြည်နယ်/ခရိုင်/မြို့နယ် အဆင့်ဌာနဆိုင်ရာများ ကျေးရွာအုပ်စုအုပ်ချုပ်ရေးမှူးနှင့် ကျေးရွာအုပ်စုနေပြည်သူများ၊ ကျောင်းသူ/ ကျောင်းသားများ ပါဝင်ဆင်နွှဲလမ်းလျောက်ခဲ့ကြသည်။

ရှေးဦးစွာ လူထုစုပေါင်းလမ်းလျှောက်ပွဲကို မြို့နယ်အုပ်ချုပ်ရေးမှူးမှ သေနတ်ပစ်ဖောက်၍ စတင်လမ်း​လျှာက်ခဲ့ရာလောပီတလမ်းမကြီး  ဆေးတပ်စုရပ်မှ မြကန်သာလမ်းနှင့်ပြည်ထောင်စုလမ်းမအတိုင်ထို့မှတဆင့် GTCလမ်းကိုဖြတ်၍၊ နဒီလမ်းမှသဇင်လမ်းအတိုင် လျှောက်ကာ အ.လ.က(ဧက၅၀၀)ကျောင်းအတွင်သို့ စုပေါင်းလမ်းလျှောက်ခဲ့ကြသည်။

ထို့နောက် အ.လ.က(ဧက၅၀၀) ကျောင်းတွင် ကိုယ်ကာယကြံ့ခိုင်မှုလေ့ကျင့်ခန်း အတွဲအမှတ် (၁)နှင့်(၂)၊ ဇွန်ဘာအားကစားလေ့ကျင့်ခြင်းတို့ကိုတစ်ပျော်တစ်ပါး စုပေါင်းဆောင်ရွက်ခဲ့ကြကာပါဝင်ဆင်နွဲခဲ့ကြသည့် ပြည်သူလူထုနှင့် ကျောင်းသူကျောင်းသားများအားကောက်ညှင်းပေါင်းများဝေငှပေးခဲ့ပြီးနောက် လွန်ဆွဲပြိုင်ပွဲကို ဆက်လက်ကျင်းပပေးခဲ့သည်။

အဆိုပါ ကယားပြည်နယ် လွိုင်ကော်မြို့နယ်၊ ဧက(၅၀၀)ရပ်ကွက် လူထုစုပေါင်းလမ်းလျှောက်ပွဲသို့ လူထုအင်အား(၂၂၀၀)ကျော်ပါဝင်ဆင်နွဲခဲ့ကြပါသည်။

Source URL: https://www.67694772-70-20191006153726.webstarterz.com/spedmyanmar.com/content/%E1%81%82%E1%81%80%E1%81%81%E1%81%88%E1%80%81%E1%80%AF%E1%80%94%E1%80%BE%E1%80%85%E1%80%BA%E1%81%8A-%E1%80%80%E1%80%9A%E1%80%AC%E1%80%B8%E1%80%95%E1%80%BC%E1%80%8A%E1%80%BA%E1%80%94%E1%80%9A%E1%80%BA-%E1%80%9C%E1%80%BD%E1%80%AD%E1%80%AF%E1%80%84%E1%80%BA%E1%80%80%E1%80%B1%E1%80%AC%E1%80%BA%E1%80%99%E1%80%BC%E1%80%AD%E1%80%AF%E1%80%B7%E1%80%94%E1%80%9A%E1%80%BA%E1%81%8A-%E1%80%A7%E1%80%80-%E1%81%85%E1%81%80%E1%81%80%E1%80%9B%E1%80%95%E1%80%BA%E1%80%80%E1%80%BD%E1%80%80%E1%80%BA%E1%80%90%E1%80%BD%E1%80%84%E1%80%BA