Published on spedmyanmar (https://www.67694772-70-20191006153726.webstarterz.com/spedmyanmar.com)

Home > ပဲခူးတိုင်းဒေသကြီး နွေရာသီအခြေခံ အားကစားသင်တန်းများတွင် အားကစားနည်း(၁၀)မျိုး ဖွင့်လှစ်သင်ကြား

ပဲခူးတိုင်းဒေသကြီး နွေရာသီအခြေခံ အားကစားသင်တန်းများတွင် အားကစားနည်း(၁၀)မျိုး ဖွင့်လှစ်သင်ကြား

ပဲခူး၊ မတ်လ(၁)ရက်။

ပဲခူးတိုင်းဒေသကြီး အားကစားနှင့်ကာယပညာဦးစီးဌာနမှ ကြီးမှူးပြီး တိုင်း၊ ခရိုင်၊ မြို့နယ် အား/ကာဦးစီးဌာနနှင့် အခြေခံပညာဦးစီးဌာနတို့ ပူးပေါင်းပြီး နွေရာသီအခြေခံအားကစား သင်တန်းများကို မတ်လ(၁)ရက်နေ့ နံနက်ပိုင်းမှစတင်ကာ ပဲခူးမြို့ရှိ နေရာအသီးသီးတွင် ဖွင့်လှစ်သင်ကြားပေးလျှက်ရှိကြောင်း သိရသည်။

ဖွင့်လှစ်သင်ကြားပေးလျှက်ရှိသည့် အားကစားသင်တန်းများအနေဖြင့် တင်းနစ်၊ ပိုက်ကျော်ခြင်း၊ ဘောလုံး၊ ကရာတေးဒို၊ စားပွဲတင်တင်းနစ်၊ ဘတ်စကတ်ဘော၊ အလေးမ၊ Fitness Dance နှင့် မြန်မာ့သိုင်း၊ ကြက်တောင်စသည့်အားကစားနည်း(၁၀)မျိုးဖြစ်ပြီး တင်းနစ်သင်တန်းကို ဟင်္သာတင်းနစ်ကွင်း၌ သင်တန်းသား/သူ(၈၀)ဦးအားလည်းကောင်း၊ ပိုက်ကျော်ခြင်းသင်တန်းကို တိုင်းဒေသကြီးအားကစားခန်းမ၌ သင်တန်းသား/သူ(၅၀)ဦးအားလည်းကောင်း၊ ဘောလုံးသင်တန်းကို ဥဿာမြို့သစ် အားကစားကွင်း၊ ဟင်္သာကုန်းဘောလုံးကွင်း၊ ကျိုက်ဒေးယုံကျေးရွာဘောလုံးကွင်းနှင့် မင်္ဂလာရာမဘုန်းကြီးကျောင်းဝန်းတို့တွင် သင်တန်းသား/သူ(၁၀၀)ဦးအားလည်းကောင်း၊ ကရာတေးဒိုသင်တန်းကို တိုင်းဒေသကြီးအားကစားခန်းမ၌ သင်တန်းသား/သူ(၁၀၀)ဦးတို့အားလည်းကောင်း၊ စားပွဲတင်တင်းနစ်သင်တန်းကို တိုင်းဒေသကြီးအားကစားခန်းမ၌ သင်တန်းသား/သူ(၅၀)ဦးအားလည်းကောင်း၊ ဘတ်စကက်ဘောသင်တန်းကို အမှတ်(၁)အခြေခံပညာအထက်တန်းကျောင်း၌ သင်တန်းသား/သူ(၅၀)ဦးအားလည်းကောင်း၊ အလေးမသင်တန်းကို တိုင်းဒေသကြီးအလေးမရုံ၌ သင်တန်းသား/သူ(၂၀)ဦးအားလည်းကောင်း၊ Fitness Dance သင်တန်းကို တိုင်းအားကစားခန်းမတွင် သင်တန်းသား/သူ(၇၀)ဦးအားလည်းကောင်း၊ မြန်မာ့သိုင်းသင်တန်းကို တိုင်းအားကစားခန်းမ၌ သင်တန်းသား/သူ(၅၀)ဦး အားလည်းကောင်း သင်တန်းအချိန်ခွဲ၍ မတ်လ(၁)ရက်နေ့မှ ဧပြီလ(၂)ရက်နေ့အထိ ဖွင့်လှစ်သင်ကြားပေးသွားမည်ဖြစ်သည်။

  

၂၀၁၉ခုနှစ် နွေရာသီအခြေခံအားကစားသင်တန်းများကို နှစ်စဉ်ကျင်းပမြဲဖြစ်သည့်အတိုင်း နွေရာသီကျောင်းပိတ်ရက်ရှည်ကာလတွင် ဒေသနှင့်လိုက်လျောညီထွေမှုရှိပြီး လူအများ စိတ်ပါဝင်စားသည့် အားကစားနည်းများကို အခြေခံလျက် ကျောင်းသား/သူများကို အဓိကဦးတည်စည်းရုံးကာ နွေရာသီအားကစားသင်တန်းများမှတဆင့် ဗီဇပါရမီရင့်သန်ပြီး အောင်မြင်မှုအလားအလာရှိသော ရွက်ပုန်းသီးမျိုးဆက်သစ် အားကစားသမားများ ရှာဖွေဖော်ထုတ်လေ့ကျင့်ပေးပြီး နိုင်ငံ့ဂုဏ်ဆောင်အားကစားသမားများအဖြစ်သို့ ပြုစုပျိုးထောင် လေ့ကျင့်ပေးသွားမည်ဖြစ်ကြောင်း ပဲခူးတိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူး ဦးစိုးနိုင်က ပြောကြားကြောင်း သတင်းရရှိသည်။

 

Source URL: https://www.67694772-70-20191006153726.webstarterz.com/spedmyanmar.com/content/%E1%80%95%E1%80%B2%E1%80%81%E1%80%B0%E1%80%B8%E1%80%90%E1%80%AD%E1%80%AF%E1%80%84%E1%80%BA%E1%80%B8%E1%80%92%E1%80%B1%E1%80%9E%E1%80%80%E1%80%BC%E1%80%AE%E1%80%B8-%E1%80%94%E1%80%BD%E1%80%B1%E1%80%9B%E1%80%AC%E1%80%9E%E1%80%AE%E1%80%A1%E1%80%81%E1%80%BC%E1%80%B1%E1%80%81%E1%80%B6-%E1%80%A1%E1%80%AC%E1%80%B8%E1%80%80%E1%80%85%E1%80%AC%E1%80%B8%E1%80%9E%E1%80%84%E1%80%BA%E1%80%90%E1%80%94%E1%80%BA%E1%80%B8%E1%80%99%E1%80%BB%E1%80%AC%E1%80%B8%E1%80%90%E1%80%BD%E1%80%84%E1%80%BA-%E1%80%A1%E1%80%AC%E1%80%B8%E1%80%80%E1%80%85%E1%80%AC%E1%80%B8%E1%80%94%E1%80%8A%E1%80%BA%E1%80%B8%E1%81%81%E1%81%80%E1%80%99%E1%80%BB%E1%80%AD%E1%80%AF%E1%80%B8-%E1%80%96%E1%80%BD%E1%80%84%E1%80%BA%E1%80%B7%E1%80%9C%E1%80%BE%E1%80%85%E1%80%BA%E1%80%9E%E1%80%84%E1%80%BA%E1%80%80%E1%80%BC%E1%80%AC%E1%80%B8