Published on spedmyanmar (https://www.67694772-70-20191006153726.webstarterz.com/spedmyanmar.com)

Home > တံခွန်စိုက် "ဖလား" ရပ်ကွက်၊ ကျေးရွာအလိုက် အလွတ်တန်းဘောလုံးပြိုင်ပွဲ ကျင်းပ

တံခွန်စိုက် "ဖလား" ရပ်ကွက်၊ ကျေးရွာအလိုက် အလွတ်တန်းဘောလုံးပြိုင်ပွဲ ကျင်းပ

ဗန်းမောက် မတ် ၁၈။

စစ်ကိုင်းတိုင်းဒေသကြီး ကသာခရိုင် ဗန်းမောက်မြို့နယ် Township Sports Development Programme(T.S.D.P) အစီအစဉ်အရ ကျင်းပပြုလုပ်သော အားကစား ဖွံ့ဖြိုးတိုးတက်ရေး တံခွန်စိုက် "ဖလား" ရပ်ကွက်၊ ကျေးရွာအလိုက် အလွတ်တန်းပြိုင်ပွဲ ဖွင့်ပွဲအခမ်းအနားကို ယမန်နေ့ ညနေ ၃ နာရီက မြို့နယ်အားကစားကွင်း၌ ကျင်းပခဲ့သည်။

အခမ်းအနားတွင် တိုင်းဒေသကြီး လွှတ်တော်ကိုယ်စားလှယ် ဦးဝင်းရွှေက အမှာစကားပြောကြားပြီး ပြိုင်ပွဲဝင်အားကစားသမားများက အားကစားသစ္စာဓိဌာန်ကို ရွတ်ဆိုခဲ့ကြသည်။

ပြိုင်ပွဲဝင်ဘောလုံးအသင်းများမှ မြို့မဘောလုံးအသင်းနှင့် MPT ဘောလုံးအသင်းတို့ ဆက်လက်ယှဉ်ပြိုင်ကြရာ  MPT ဘောလုံးအသင်းက လေးဂိုး-တစ်ဂိုးဖြင့် အနိုင်ရရှိခဲ့သည်။

အဆိုပါ အခမ်းအနားသို့ အမှတ်(၁)၊(၂) တိုင်းဒေသကြီးလွှတ်တော်ကိုယ်စားလှယ်များ၊ မြို့နယ်ဌာနဆိုင်ရာ တာဝန်ရှိသူများ၊ ဒေသခံပြည်သူများ၊ အလွတ်တန်းဘောလုံးအသင်း (၉)သင်းမှ အားကစားသမားများ တက်ရောက် အားပေးခဲ့ကြကြောင်း သိရသည်။

Source URL: https://www.67694772-70-20191006153726.webstarterz.com/spedmyanmar.com/content/%E1%80%90%E1%80%B6%E1%80%81%E1%80%BD%E1%80%94%E1%80%BA%E1%80%85%E1%80%AD%E1%80%AF%E1%80%80%E1%80%BA-%E1%80%96%E1%80%9C%E1%80%AC%E1%80%B8-%E1%80%9B%E1%80%95%E1%80%BA%E1%80%80%E1%80%BD%E1%80%80%E1%80%BA%E1%81%8A-%E1%80%80%E1%80%BB%E1%80%B1%E1%80%B8%E1%80%9B%E1%80%BD%E1%80%AC%E1%80%A1%E1%80%9C%E1%80%AD%E1%80%AF%E1%80%80%E1%80%BA-%E1%80%A1%E1%80%9C%E1%80%BD%E1%80%90%E1%80%BA%E1%80%90%E1%80%94%E1%80%BA%E1%80%B8%E1%80%98%E1%80%B1%E1%80%AC%E1%80%9C%E1%80%AF%E1%80%B6%E1%80%B8%E1%80%95%E1%80%BC%E1%80%AD%E1%80%AF%E1%80%84%E1%80%BA%E1%80%95%E1%80%BD%E1%80%B2-%E1%80%80%E1%80%BB%E1%80%84%E1%80%BA%E1%80%B8%E1%80%95