Published on spedmyanmar (https://www.67694772-70-20191006153726.webstarterz.com/spedmyanmar.com)

Home > မြန်မာနိုင်ငံတိုက်ကွမ်ဒိုအဖွဲ့ချုပ် နှစ်(၃၀)ပြည့်အထိမ်းအမှတ် ၂၀၁၉ခုနှစ်၊ဥက္ကဌဖလားနှင့် နွေရာသီသင်တန်းဆင်း တိုက်ကွမ်ဒိုပြိုင်ပွဲကျင်းပ

မြန်မာနိုင်ငံတိုက်ကွမ်ဒိုအဖွဲ့ချုပ် နှစ်(၃၀)ပြည့်အထိမ်းအမှတ် ၂၀၁၉ခုနှစ်၊ဥက္ကဌဖလားနှင့် နွေရာသီသင်တန်းဆင်း တိုက်ကွမ်ဒိုပြိုင်ပွဲကျင်းပ

ရန်ကုန်၊ မေလ( ၂၄ )ရက်။

မြန်မာနိုင်ငံတိုက်ကွမ်ဒိုအဖွဲ့ချုပ် နှစ်(၃၀)ပြည့် အထိမ်းအမှတ် ၂၀၁၉ခုနှစ်၊ဥက္ကဌဖလားနှင့် နွေရာသီသင်တန်းဆင်း တိုက်ကွမ်ဒိုပြိုင်ပွဲ ဖွင့်ပွဲအခမ်းအနားကို ယနေ့နံနက် (၉)နာရီအချိန်က ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ အောင်ဆန်းအားကစားပြိုင်ပွဲ၀င်း၊ မိုးလုံလေလုံခန်းမ၌ ကျင်းပရာ ရန်ကုန်တိုင်းဒေသကြီး လွှတ်တော်ဒုတိယဥက္ကဌ ဦးလင်းနိုင်မြင့်၊ ရခိုင်တိုင်းရင်းသားရေးရာ၀န်ကြီး ဦးဇော်အေးမောင်၊ မြန်မာနိုင်ငံတိုက်ကွမ်ဒိုအဖွဲ့ချုပ်ဥက္ကဌ ဦးမြဟန်နှင့် အမှုဆောင်များ၊ မြန်မာနိုင်ငံ ကိုရီးယားသံရုံးမှ တာ၀န်ရှိပုဂ္ဂိုလ်များ၊ ဖိတ်ကြားထားသော ဧည့်သည်တော်များ၊ အုပ်ချုပ်သူ/နည်းပြများနှင့် ဒိုင်လူကြီးများ၊ ပြိုင်ပွဲ၀င်အားကစားသမားများ တက်ရောက်ကြသည်။

ရှေးဦးစွာ မြန်မာနိုင်ငံတိုက်ကွမ်ဒိုအဖွဲ့ချုပ်ဥက္ကဌ ဦးမြဟန်က အဖွင့်အမှာစကား ပြောကြားပြီး ပြိုင်ပွဲ၀င်အသင်းများအား တက်ရောက်လာသော ပုဂ္ဂိုလ်များနှင့်အတူ လိုက်လံနှုတ်ဆက်ခဲ့ကြသည်။
အဆိုပါပြိုင်ပွဲသို့ ရန်ကုန်တိုင်းဒေသကြီးအတွင်းရှိ ကလပ်အသင်း(၂၁)သင်း ပြည်နယ်နှင့်တိုင်းမှ ကယားပြည်နယ်အသင်း၊ ဧရာ၀တီတိုင်းအသင်း၊ နေပြည်တော်အသင်း၊ တောင်ငူအသင်း စုစုပေါင်း(၂၅)သင်း ပြိုင်ပွဲ၀င်ကစားသမား(၁၀၀၀)ကျော် ပါ၀င်ရာ သက်တမ်းအလိုက် အတိုက်နှင့်ကကွက်များ မေလ(၂၆)ရက်နေ့ အထိကျင်းပသွားမည်ဖြစ်ကြောင်း သိရှိရသည်။

Source URL: https://www.67694772-70-20191006153726.webstarterz.com/spedmyanmar.com/content/%E1%80%99%E1%80%BC%E1%80%94%E1%80%BA%E1%80%99%E1%80%AC%E1%80%94%E1%80%AD%E1%80%AF%E1%80%84%E1%80%BA%E1%80%84%E1%80%B6%E1%80%90%E1%80%AD%E1%80%AF%E1%80%80%E1%80%BA%E1%80%80%E1%80%BD%E1%80%99%E1%80%BA%E1%80%92%E1%80%AD%E1%80%AF%E1%80%A1%E1%80%96%E1%80%BD%E1%80%B2%E1%80%B7%E1%80%81%E1%80%BB%E1%80%AF%E1%80%95%E1%80%BA-%E1%80%94%E1%80%BE%E1%80%85%E1%80%BA%E1%81%83%E1%81%80%E1%80%95%E1%80%BC%E1%80%8A%E1%80%BA%E1%80%B7%E1%80%A1%E1%80%91%E1%80%AD%E1%80%99%E1%80%BA%E1%80%B8%E1%80%A1%E1%80%99%E1%80%BE%E1%80%90%E1%80%BA-%E1%81%82%E1%81%80%E1%81%81%E1%81%89%E1%80%81%E1%80%AF%E1%80%94%E1%80%BE%E1%80%85%E1%80%BA%E1%81%8A%E1%80%A5%E1%80%80%E1%80%B9%E1%80%80%E1%80%8C%E1%80%96%E1%80%9C%E1%80%AC%E1%80%B8%E1%80%94%E1%80%BE%E1%80%84%E1%80%BA%E1%80%B7