Published on spedmyanmar (https://www.67694772-70-20191006153726.webstarterz.com/spedmyanmar.com)

Home > (၁၇)ကြိမ်မြောက်ကမ္ဘာ့သက်ငယ်တန်းအမျိုးသမီးပီတန်းပြိုင်ပွဲတွင် ခင်ချယ်ရီသက်က တတိယဆုရရှိ

(၁၇)ကြိမ်မြောက်ကမ္ဘာ့သက်ငယ်တန်းအမျိုးသမီးပီတန်းပြိုင်ပွဲတွင် ခင်ချယ်ရီသက်က တတိယဆုရရှိ

ရန်ကုန်၊ နို၀င်ဘာလ(၂၄)ရက်။             

ကမ္ဘောဒီးယားနိုင်ငံ၊ ဖနွမ်းပင်မြို့တွင် နို၀င်ဘာလ(၁၈)ရက်နေ့မှ (၂၄) ရက်နေ့အထိကျင်းပပြုလုပ်ခဲ့သော 17th  Juniors & Women Petanque World Championship 2019 ပြိုင်တွင် မြန်မာနိုင်ငံမှ ခင်ချယ်ရီသက် က အမျိုးသမီးတစ်ဦးချင်း 3rd Place Women Shooting ပြိုင်ပွဲတွင် ကမ္ဘာ့အဆင့်(၃)ဆုတံဆိပ်ကို ရရှိခဲ့သည်။

         

အဆိုပါပြိုင်ပွဲတွင် နိုင်ငံပေါင်း(၅၀)၀င်ရောက်ယှဉ်ပြိုင်ရာ အိမ်ရှင်ကမ္ဘောဒီးယား က ပထမ၊ လာအိုအသင်းကဒုတိယနှင့် မြန်မာအသင်းကတတိယ ၊ အသင်းလိုက် ပြိုင်ပွဲတွင် နိုင်ငံအလိုက်အဆင့်(၉)ရရှိခဲ့ သည်။အဖွဲ့ခေါင်းဆောင် မြန်မာနိုင်ငံ ပီတန်းအဖွဲ့ချုပ် ဥက္ကဋ္ဌ ဦးအေးထွန်းနှင့် အောင်ပွဲရအဖွဲ့သည် ယနေ့ နံနက်(၁၁:၁၅) မိနစ်အချိန်က  ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိရာ အားကစားနှင့် ကာယပညာသိပ္ပံ(ရန်ကုန်) ကျောင်းအုပ်ကြီး ညွှန်ကြားရေးမှူး ဦးစိုးအောင်၊ ရန်ကုန်တိုင်းဒေသကြီး အားကစားနှင့် ကာယပညာဦးစီးဌာန ညွှန်ကြားရေးမှူး ဦးအောင်မိုး၊  မြန်မာနိုင်ငံ ပီတန်းအဖွဲ့ချုပ် နာယယ ဦးသိန်း၀င်းနှင့် အတွင်းရေးမှူး ဒေါ်စုသဉ္ဇာခိုင် ၊ အားကစားနှင့်ကာယပညာသိပ္ပံ(ရန်ကုန်)မှ သင်တန်းသား/ သင်တန်းသူများနှင့် မိဘဆွေမျိုးများက သောင်းသောင်းဖျဖျ ကြိုဆိုခဲ့ကြကြောင်း သိရှိရသည်။

Source URL: https://www.67694772-70-20191006153726.webstarterz.com/spedmyanmar.com/content/%E1%81%81%E1%81%87%E1%80%80%E1%80%BC%E1%80%AD%E1%80%99%E1%80%BA%E1%80%99%E1%80%BC%E1%80%B1%E1%80%AC%E1%80%80%E1%80%BA%E1%80%80%E1%80%99%E1%80%B9%E1%80%98%E1%80%AC%E1%80%B7%E1%80%9E%E1%80%80%E1%80%BA%E1%80%84%E1%80%9A%E1%80%BA%E1%80%90%E1%80%94%E1%80%BA%E1%80%B8%E1%80%A1%E1%80%99%E1%80%BB%E1%80%AD%E1%80%AF%E1%80%B8%E1%80%9E%E1%80%99%E1%80%AE%E1%80%B8%E1%80%95%E1%80%AE%E1%80%90%E1%80%94%E1%80%BA%E1%80%B8%E1%80%95%E1%80%BC%E1%80%AD%E1%80%AF%E1%80%84%E1%80%BA%E1%80%95%E1%80%BD%E1%80%B2%E1%80%90%E1%80%BD%E1%80%84%E1%80%BA-%E1%80%81%E1%80%84%E1%80%BA%E1%80%81%E1%80%BB%E1%80%9A%E1%80%BA%E1%80%9B%E1%80%AE%E1%80%9E%E1%80%80%E1%80%BA%E1%80%80-%E1%80%90%E1%80%90%E1%80%AD%E1%80%9A%E1%80%86%E1%80%AF%E1%80%9B%E1%80%9B%E1%80%BE%E1%80%AD