၂ ဒီဇင်ဘာ
ဆီးဂိမ်း Arnis ပြိုင်ပွဲ ဒုတိယနေ့ကို ယနေ့နံနက်ပိုင်းနှင့် ညနေပိုင်းက ကလာ့ခ်မြို့၌ ဆက်လက် ကျင်းပရာ မြန်မာ Arnis အဖွဲ့ ငွေတံဆိပ်နှစ်ခု၊ ကြေးတံဆိပ်ခြောက်ခု ထပ်မံဆွတ်ခူးရရှိခဲ့သည်။
ပြိုင်ပွဲဒုတိယနေ့တွင် Pedded Stick (ဖော့တုတ်) အတိုက် အမျိုးသားလေးပွဲ၊ အမျိုးသမီးလေးပွဲ ကျင်းပခဲ့ပြီး ပြိုင်ပွဲအားလုံးတွင် ဆုတံဆိပ်ရယူနိုင်ခဲ့ခြင်း ဖြစ်သည်။ ငွေတံဆိပ်နှစ်ခုကို အမျိုးသမီးတစ်ဦးချင်း (+၅၅/၆၀) ကီလိုတန်းတွင် မိုးမိုးအေး၊ အမျိုးသမီးတစ်ဦးချင်း (+၅၀/၅၅) ကီလိုတန်းတွင် မော်မော်ဦးတို့က ရရှိပြီး ကြေးတံဆိပ်ခြောက်ခုကိုမူ အမျိုးသား (၅၅) ကီလိုအောက်တွင် နေလင်းဦး၊ (+၅၅/၆၀) ကီလိုတန်းတွင် တင်ကို၊ (+၆၅/၇၀) ကီလိုတန်းတွင် ကျော်သူရိန်ထွန်း၊ (+၆၀/၆၅) ကီလိုတန်းတွင် အောင်ခိုင်လင်း၊ အမျိုးသမီး (၅၅) ကီလိုအောက်တွင် ဝတ်ရည်ချို၊ (+၆၀/၆၅)ကီလိုတန်းတွင် သျှီလာမင်းနိုင်တို့က ရယူနိုင်ခဲ့သည်။
မြန်မာ Arnis အဖွဲ့သည် ဒုတိယနေ့အပြီးတွင် ငွေလေးခု၊ ကြေး ၁၄ ခု ရယူထားနိုင်ပြီး ပြိုင်ပွဲနောက်ဆုံးနေ့ဖြစ်သည့် ဒီဇင်ဘာ (၃) ရက် နေ့တွင် စွမ်းရည်ပြပြိုင်ပွဲများ ထပ်မံယှဉ်ပြိုင်ရမည် ဖြစ်သည်။
သတင်း-ညီမြတ်သော်တာ