Published on spedmyanmar (https://www.67694772-70-20191006153726.webstarterz.com/spedmyanmar.com)

Home > ဆီးဂိမ်းပိုက်ကျော်ခြင်း နှစ်ယောက်တွဲအသင်းလိုက်ပြိုင်ပွဲတွင် မြန်မာအသင်း ဆီမီးဖိုင်နယ် တက်ရောက်

ဆီးဂိမ်းပိုက်ကျော်ခြင်း နှစ်ယောက်တွဲအသင်းလိုက်ပြိုင်ပွဲတွင် မြန်မာအသင်း ဆီမီးဖိုင်နယ် တက်ရောက်

 

၄  ဒီဇင်ဘာ

 

ဆီးဂိမ်းပိုက်ကျော်ခြင်းပြိုင်ပွဲ၏ နှစ်ယောက်တွဲအသင်းလိုက်ပြိုင်ပွဲ အုပ်စုဒုတိယနေ့ကို ယနေ့နံနက်ပိုင်းနှင့် ညနေပိုင်းက ဆူဘစ်မြို့၌ ဆက်လက်ကျင်းပရာ မြန်မာအသင်းသည် အုပ်စုသုံးပွဲစလုံး အနိုင်ရပြီး ဆီမီးဖိုင်နယ် တက်ရောက်ခဲ့သည်။

 

မြန်မာအသင်းသည် အုပ်စုလက်ကျန်ပွဲများတွင် လာအိုနှင့် ဗီယက်နမ်တို့ကို အနိုင်ရကာ အုပ်စုပထမဖြင့် ဆီမီးဖိုင်နယ် တက်ရောက်ခဲ့ခြင်းဖြစ်သည်။ မြန်မာအသင်းသည် လာအိုအသင်းကိုနှစ်ပွဲ-တစ်ပွဲ၊ ဗီယက်နမ်အသင်းကို သုံးပွဲပြတ်တို့ဖြင့် အနိုင်ရခဲ့ခြင်းဖြစ်သည်။ အသင်းလိုက်ပြိုင်ပွဲဖြစ်သောကြောင့် သုံးသင်းခွဲ၍ ပွဲစဉ်သုံးခု ယှဉ်ပြိုင်ရခြင်းဖြစ်သည်။

 

မြန်မာအသင်းသည် ဒီဇင်ဘာ ၂ ရက်က ကျင်းပသည့် အုပ်စုပထမနေ့တွင် ကမ္ဘောဒီးယားအသင်းကို သုံးပွဲပြတ်ဖြင့် အနိုင်ရထားသည်။ အုပ်စုပွဲစဉ်များပြီးဆုံးသွားပြီဖြစ်ပြီး အုပ်စု(က)တွင် မြန်မာအသင်းက ပထမ၊ ဗီယက်နမ်အသင်းက ဒုတိယ၊ အုပ်စု(ခ)တွင် အင်ဒိုနီးရှားအသင်းက ပထမ၊ ဖိလစ်ပိုင်အသင်းက ဒုတိယဖြင့် ဆီမီးဖိုင်နယ် တက်ရောက်ခဲ့သည်။

 

ဆီမီးဖိုင်နယ်ပွဲတွင် မြန်မာအသင်းနှင့် အိမ်ရှင်ဖိလစ်ပိုင်၊ အင်ဒိုနီးရှားအသင်းနှင့် ဗီယက်နမ်အသင်းတို့ ယှဉ်ပြိုင်ကစားမည်ဖြစ်ပြီး ဒီဇင်ဘာ ၅ ရက်နေ့ နံနက်ပိုင်းတွင် ကျင်းပမည်ဖြစ်သည်။ ဗိုလ်လုပွဲကိုမူ ညနေပိုင်းတွင် ဆက်လက်ကျင်းပမည်ဖြစ်သည်။ ဒီဇင်ဘာ ၃ ရက်တွင် မုန်တိုင်းကြောင့် ပွဲစဉ်အချို့ ရွှေ့ဆိုင်းခဲ့သောကြောင့် ဆီမီးဖိုင်နယ်နှင့် ဗိုလ်လုပွဲကို တစ်ရက်တည်းကစားရခြင်းဖြစ်သည်။

 

ညီမြတ်သော်တာ

Source URL: https://www.67694772-70-20191006153726.webstarterz.com/spedmyanmar.com/content/%E1%80%86%E1%80%AE%E1%80%B8%E1%80%82%E1%80%AD%E1%80%99%E1%80%BA%E1%80%B8%E1%80%95%E1%80%AD%E1%80%AF%E1%80%80%E1%80%BA%E1%80%80%E1%80%BB%E1%80%B1%E1%80%AC%E1%80%BA%E1%80%81%E1%80%BC%E1%80%84%E1%80%BA%E1%80%B8-%E1%80%94%E1%80%BE%E1%80%85%E1%80%BA%E1%80%9A%E1%80%B1%E1%80%AC%E1%80%80%E1%80%BA%E1%80%90%E1%80%BD%E1%80%B2%E1%80%A1%E1%80%9E%E1%80%84%E1%80%BA%E1%80%B8%E1%80%9C%E1%80%AD%E1%80%AF%E1%80%80%E1%80%BA%E1%80%95%E1%80%BC%E1%80%AD%E1%80%AF%E1%80%84%E1%80%BA%E1%80%95%E1%80%BD%E1%80%B2%E1%80%90%E1%80%BD%E1%80%84%E1%80%BA-%E1%80%99%E1%80%BC%E1%80%94%E1%80%BA%E1%80%99%E1%80%AC%E1%80%A1%E1%80%9E%E1%80%84%E1%80%BA%E1%80%B8-%E1%80%86%E1%80%AE%E1%80%99%E1%80%AE%E1%80%B8%E1%80%96%E1%80%AD%E1%80%AF%E1%80%84%E1%80%BA%E1%80%94%E1%80%9A%E1%80%BA