Published on spedmyanmar (https://www.67694772-70-20191006153726.webstarterz.com/spedmyanmar.com)

Home > မြန်မာဘော်လီဘောအသင်းဆီမီးဖိုင်နယ်တွင် အင်ဒိုနီးရှားကိုရှုံးနိမ့်

မြန်မာဘော်လီဘောအသင်းဆီမီးဖိုင်နယ်တွင် အင်ဒိုနီးရှားကိုရှုံးနိမ့်

 

မနီလာ ဒီဇင်ဘာ ၈

၂၀၁၉ ဆီးဂိမ်းအမျိုးသားဘော်လီဘောပြိုင်ပွဲ ဆီမီးဖိုင်နယ်ပွဲစဉ်များကို ယနေ့ နေ့လယ်ပိုင်းကPhilsports Arena ၌ ကျင်းပရာ မြန်မာအသင်းရှုံးပွဲကြုံတွေ့ခဲ့ပြီး အိမ်ရှင်ဖိလစ်ပိုင်နှင့် အင်ဒိုနီးရှားအသင်း ဗိုလ်လုပွဲတက်ရောက်သွားသည်။

ဆီမီးဖိုင်နယ်ပွဲစဉ်များတွင် အင်ဒိုနီးရှားအသင်းက မြန်မာအသင်းကို သုံးပွဲ ပြတ် အိမ်ရှင်ဖိလစ်ပိုင်အသင်းက လက်ရှိချန်ပီယံထိုင်းအသင်းကို သုံးပွဲ-နှစ်ပွဲ ဖြင့် အနိုင်ရခဲ့သည်။ မြန်မာအသင်းသည် အကောင်းဆုံးကြိုးစားသော်လည်း ပထမပွဲငယ်နှင့် ဒုတိယပွဲငယ်တွင်သာ လိုက်လံဖိအားပေးကစားနိုင်ခဲ့သည်။ အင်ဒိုနီးရှားအသင်းသည် မြန်မာအသင်းကို ၂၅-၁၉ မှတ်၊ ၂၅-၂၃ မှတ်၊ ၂၅-၁၅ မှတ်ဖြင့် အနိုင်ရခဲ့ခြင်းဖြစ်သည်။

အိမ်ရှင်ဖိလစ်ပိုင်အသင်းသည် လေးကြိမ်ဆက် ရွှေတံဆိပ်ဆုရှင် ထိုင်း အသင်းကိုအနိုင်ယူကာ နှစ်ပေါင်းများစွာ ဝေးကွာနေသည့် ဗိုလ်လုပွဲသို့ တစ်ကျော့ပြန် တက်ရောက်နိုင်ခဲ့သည်။ ဖိလစ်ပိုင်အသင်းသည် ၁၇-၂၅ မှတ်၊ ၂၅-၂၀ မှတ် ၂၃-၂၅ မှတ်၊ ၂၇-၂၅ မှတ်၊ ၁၇-၁၅ မှတ်ဖြင့် အနိုင်ရခဲ့ခြင်းဖြစ်သည်။

ဒီဇင်ဘာ ၁၀ ရက်တွင် ကျင်းပမည့် ဗိုလ်လုပွဲတွင် အိမ်ရှင်ဖိလစ်ပိုင်နှင့် အင်ဒိုနီးရှား၊ တတိယနေရာလုပွဲတွင် မြန်မာနှင့် ထိုင်းအသင်းတို့ ယှဉ်ပြိုင်ကစား ရမည်ဖြစ်သည်။

 

ညီမြတ်သော်တာ

Source URL: https://www.67694772-70-20191006153726.webstarterz.com/spedmyanmar.com/content/%E1%80%99%E1%80%BC%E1%80%94%E1%80%BA%E1%80%99%E1%80%AC%E1%80%98%E1%80%B1%E1%80%AC%E1%80%BA%E1%80%9C%E1%80%AE%E1%80%98%E1%80%B1%E1%80%AC%E1%80%A1%E1%80%9E%E1%80%84%E1%80%BA%E1%80%B8%E1%80%86%E1%80%AE%E1%80%99%E1%80%AE%E1%80%B8%E1%80%96%E1%80%AD%E1%80%AF%E1%80%84%E1%80%BA%E1%80%94%E1%80%9A%E1%80%BA%E1%80%90%E1%80%BD%E1%80%84%E1%80%BA-%E1%80%A1%E1%80%84%E1%80%BA%E1%80%92%E1%80%AD%E1%80%AF%E1%80%94%E1%80%AE%E1%80%B8%E1%80%9B%E1%80%BE%E1%80%AC%E1%80%B8%E1%80%80%E1%80%AD%E1%80%AF%E1%80%9B%E1%80%BE%E1%80%AF%E1%80%B6%E1%80%B8%E1%80%94%E1%80%AD%E1%80%99%E1%80%B7%E1%80%BA