Published on spedmyanmar (https://www.67694772-70-20191006153726.webstarterz.com/spedmyanmar.com)

Home > မန္တလေး-မင်းကွန်း စုပေါင်းစက်ဘီးစီးနင်းပွဲ ၂၀၀ ကျော် ပါဝင်ဆင်နွှဲ

မန္တလေး-မင်းကွန်း စုပေါင်းစက်ဘီးစီးနင်းပွဲ ၂၀၀ ကျော် ပါဝင်ဆင်နွှဲ

မန္တလေး ဇန်နဝါရီ ၁၂

မန္တလေး-မင်းကွန်း စုပေါင်းစက်ဘီးစီးနင်းပွဲကို ယနေ့ နံနက် ၆ နာရီတွင် မန္တလေးမြို့ ချမ်းအေးသာစံမြို့နယ် (၇၈)လမ်း အို-စတိုးရှေ့ တာလွှတ်စုရပ်နေရာ၌ ကျင်းပခဲ့သည်။ စုပေါင်းစက်ဘီးစီးနင်းပွဲသို့ မန္တလေး၊ အမရပူရ၊ စစ်ကိုင်း၊ တံတားဦးနှင့် အနီးဝန်းကျင်မြို့တို့ရှိ စက်ဘီးစီးကလပ်အသင်းများမှ စက်ဘီးစီး ဝါသနာရှင် သက်ကြီး၊ သက်လတ်၊ သက်ငယ်များ၊ ကျောင်းသား ကျောင်းသူများ၊ ဝန်ထမ်းများ စုစုပေါင်း ၂၀၀ ကျော်ပါဝင်ခဲ့ကြပြီး သတ်မှတ်တာလွှတ်စုရပ်၌ နေရာယူကြသည်။

 

ထို့နောက် Trinxbike - စက်ဘီးစီးဂျာစီ အင်္ကျီဆင်တူ များ ပေးဝေဝတ်ဆင်စေပြီး စက်ဘီးစီးဝါသနာရှင်များအား ပြိုင်ပွဲဦးဆောင်သူ s ဦးအောင် ဝင်းထွန်းက အမှာစကား ပြောကြားပြီး စုပေါင်းစက်ဘီး စီးနင်းပွဲကို စတင်စေခဲ့ရာ စက်ဘီး စီးဝါသနာရှင်များသည် တာထွက်စုရပ် (၇၈)လမ်းမှ ဦးပွားဂုံးကျော်သို့ ထိုမှ မန္တလေး- စစ်ကိုင်း ကားလမ်းအတိုင်း ကန်တော်ကြီးကန်ပတ်လမ်းမှ ကမ်းနားလမ်းအတိုင်း ဧရာဝတီ (ရတနာပုံ)တံတားမှ စစ်ကိုင်း မြို့ကို ဖြတ်သန်းစီးနင်း၍ တံတားထိပ်တွင် ဓာတ်ပုံရိုက် ကြသည်။

 

ထိုမှ စက်ဘီးစီးသူများသည် တံတားမှ မင်းကွန်းလမ်းအတိုင်း စုပေါင်းစက်ဘီးစီးနင်းခဲ့ရာ ခိုတောင်ရွာ၌ နံနက်စာ ခိုတောင်မုန့်တီ သုံးဆောင်၍ မင်းကွန်း ကားလမ်းအတိုင်း ပုထိုးတော်ကြီးသို့ ဆက်လက် စီးနင်း ရောက်ရှိခဲ့ကြကာ စုပေါင်း အမှတ်တရမှတ်တမ်းတင်ဓာတ်ပုံရိုက်ကြသည်။

 

တင်မောင်(မန်းကိုယ်ပွား)

 

Source URL: https://www.67694772-70-20191006153726.webstarterz.com/spedmyanmar.com/content/%E1%80%99%E1%80%94%E1%80%B9%E1%80%90%E1%80%9C%E1%80%B1%E1%80%B8-%E1%80%99%E1%80%84%E1%80%BA%E1%80%B8%E1%80%80%E1%80%BD%E1%80%94%E1%80%BA%E1%80%B8-%E1%80%85%E1%80%AF%E1%80%95%E1%80%B1%E1%80%AB%E1%80%84%E1%80%BA%E1%80%B8%E1%80%85%E1%80%80%E1%80%BA%E1%80%98%E1%80%AE%E1%80%B8%E1%80%85%E1%80%AE%E1%80%B8%E1%80%94%E1%80%84%E1%80%BA%E1%80%B8%E1%80%95%E1%80%BD%E1%80%B2-%E1%81%82%E1%81%80%E1%81%80-%E1%80%80%E1%80%BB%E1%80%B1%E1%80%AC%E1%80%BA-%E1%80%95%E1%80%AB%E1%80%9D%E1%80%84%E1%80%BA%E1%80%86%E1%80%84%E1%80%BA%E1%80%94%E1%80%BD%E1%80%BE%E1%80%B2