Published on spedmyanmar (https://www.67694772-70-20191006153726.webstarterz.com/spedmyanmar.com)

Home > ၂၀၁၉-၂၀၂၀ ပညာသင်နှစ် ဗန်းမော်တက္ကသိုလ်၏ ဘာသာရပ်ပေါင်းစုံ အမျိုးသားအမျိုးသမီး ဘောလုံးပြိုင်ပွဲ

၂၀၁၉-၂၀၂၀ ပညာသင်နှစ် ဗန်းမော်တက္ကသိုလ်၏ ဘာသာရပ်ပေါင်းစုံ အမျိုးသားအမျိုးသမီး ဘောလုံးပြိုင်ပွဲ

 

ဗန်းမော်  ၁၆  ဇန်နဝါရီ

ကချင်ပြည်နယ် ဗန်းမော်တက္ကသိုလ်၏ ၂၀၁၉-၂၀၂၀ ပညာသင်နှစ် ဘာသာရပ်ပေါင်းစုံ အမျိုးသားအမျိုးသမီး ဘောလုံးပြိုင်ပွဲကို ဇန်နဝါရီ ၁၆ ရက် နံနက် ၉ နာရီက ဗန်းမော်မြို့ နမ့်ဖားရပ်ကွက်ရှိ ဗန်းမော်တက္ကသိုလ် ဘောလုံးအားကစားကွင်းတွင် ကျင်းပခဲ့ကြောင်း သိရသည်။

 အခမ်းအနားတွင် ပြည်သူ့လွှတ်တော်ကိုယ်စားလှယ် ဦးအောင်သိန်း၊ ဗန်းမော်တက္ကသိုလ် ဒုတိယပါမောက္ခချုပ် ကျောင်းအုပ်ဆရာကြီး ဒေါက်တာအောင်ကျော်သင်တို့က အမှာစကားပြောကြားကာ ပြိုင်ပွဲဝင် အားကစားသမားများမှ အားကစားအဓိဋ္ဌာန်အား ရွတ်ဆိုခဲ့ကြသည်။

ဖွင့်ပွဲအခမ်းအနားတွင် ဆရာများအသင်းနှင့် စီမံဝန်ထမ်းအသင်းတို့မှ ချစ်ကြည်ရေးကစားခဲ့ကြပြီး ၂၀၁၉-၂၀ ပညာသင်နှစ် ဗန်းမော်တက္ကသိုလ်ဘာသာရပ်ပေါင်းစုံ အမျိုးသားအမျိုးသမီး ဘောလုံးပြိုင်ပွဲကို အမျိုးသားအသင်း(၉)သင်း အမျိုးသမီးအသင်း(၉)သင်းတို့မှ ပါဝင်ယှဉ်ပြိုင်ကြမည်ဖြစ်ပြီး ဇန်နဝါရီ ၂၉ ရက်နေ့ထိ ကျင်းပပြုလုပ်သွားမည်ဖြစ်ကြောင်း သိရသည်။

 အခမ်းအနားသို့ ပြည်သူ့လွှတ်တော်ကိုယ်စားလှယ် ဦးအောင်သိန်း၊ ခရိုင်ရဲတပ်ဖွဲ့မှူး ဒုတိယရဲမှူးကြီးတိုးလွင်၊ ဗန်းမော်တက္ကသိုလ်မှ တာဝန်ရှိသူများ၊ ကျောင်းသားကျောင်းသူများ၊ ဖိတ်ကြားထားသူများ တက်ရောက်ခဲ့ကြသည်။

 

ဝင်းနိုင်(ကချင်မြေ)

Source URL: https://www.67694772-70-20191006153726.webstarterz.com/spedmyanmar.com/content/%E1%81%82%E1%81%80%E1%81%81%E1%81%89-%E1%81%82%E1%81%80%E1%81%82%E1%81%80-%E1%80%95%E1%80%8A%E1%80%AC%E1%80%9E%E1%80%84%E1%80%BA%E1%80%94%E1%80%BE%E1%80%85%E1%80%BA-%E1%80%97%E1%80%94%E1%80%BA%E1%80%B8%E1%80%99%E1%80%B1%E1%80%AC%E1%80%BA%E1%80%90%E1%80%80%E1%80%B9%E1%80%80%E1%80%9E%E1%80%AD%E1%80%AF%E1%80%9C%E1%80%BA%E1%81%8F-%E1%80%98%E1%80%AC%E1%80%9E%E1%80%AC%E1%80%9B%E1%80%95%E1%80%BA%E1%80%95%E1%80%B1%E1%80%AB%E1%80%84%E1%80%BA%E1%80%B8%E1%80%85%E1%80%AF%E1%80%B6-%E1%80%A1%E1%80%99%E1%80%BB%E1%80%AD%E1%80%AF%E1%80%B8%E1%80%9E%E1%80%AC%E1%80%B8%E1%80%A1%E1%80%99%E1%80%BB%E1%80%AD%E1%80%AF%E1%80%B8%E1%80%9E%E1%80%99%E1%80%AE%E1%80%B8