Published on spedmyanmar (https://www.67694772-70-20191006153726.webstarterz.com/spedmyanmar.com)

Home > တိုင်းဒေသကြီးနှင့်ပြည်နယ် အသက်(၂၅)နှစ်အောက် ပြေးခုန်ပစ်ပြိုင်ပွဲတွင် အမျိုးသမီးပထမဒိုင်းဆုနှင့် စုပေါင်းတံခွန်စိုက်ဆု ဆွတ်ခူးရရှိခဲ့သော တနင်္သာရီတိုင်းဒေသကြီး ပြေးခုန်ပစ်အဖွဲ့အား ဂုဏ်ပြုပွဲအခမ်းအနား ကျင်းပ

တိုင်းဒေသကြီးနှင့်ပြည်နယ် အသက်(၂၅)နှစ်အောက် ပြေးခုန်ပစ်ပြိုင်ပွဲတွင် အမျိုးသမီးပထမဒိုင်းဆုနှင့် စုပေါင်းတံခွန်စိုက်ဆု ဆွတ်ခူးရရှိခဲ့သော တနင်္သာရီတိုင်းဒေသကြီး ပြေးခုန်ပစ်အဖွဲ့အား ဂုဏ်ပြုပွဲအခမ်းအနား ကျင်းပ

 

ထားဝယ် ၁၇ ဇန်နဝါရီ

၂၀၂၀ ပြည့်နှစ်၊ တိုင်းဒေသကြီးနှင့်ပြည်နယ် အသက်(၂၅)နှစ်အောက် ပြေးခုန်ပစ်ပြိုင်ပွဲတွင် အမျိုးသမီး ပထမဒိုင်းဆုနှင့် စုပေါင်းတံခွန်စိုက်ဆု ဆွတ်ခူးရရှိခဲ့သော တနင်္သာရီတိုင်းဒေသကြီး ပြေးခုန်ပစ်အဖွဲ့အား ဂုဏ်ပြုပွဲ အခမ်းအနားကို ယနေ့ ညနေ ၄ နာရီက ထားဝယ်မြို့၊ တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ၌ ကျင်းပသည်။

အခမ်းအနားတွင် တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြင့်မောင်က ဂုဏ်ပြုအမှာစကား ပြောကြားသည်။ ထို့နောက်တိုင်းဒေသကြီးပြေးခုန်ပစ်အသင်းအုပ်ချုပ်သူဒေါ်သန်းသန်က ပြိုင်ပွဲသွားရောက်ယှဉ်ပြိုင်မှုနှင့် ပတ်သက်၍ ရှင်းလင်းတင်ပြပြီး ရရှိလာသော ဆုဖလားအား တိုင်းဒေသကြီးအစိုးရအဖွဲ့ ဝန်ကြီးချုပ်ထံ အပ်နှံသည်။

ဆက်လက်၍တိုင်းဒေသကြီးနှင့်ပြည်နယ်အသက်(၂၅)နှစ်အောက် ပြေးခုန်ပစ်ပြိုင်ပွဲတွင် တိုင်းဒေသကြီး ပထမဆုဖလား ဆွတ်ခူးရရှိသော တနင်္သာရီတိုင်းဒေသကြီး ပြေးခုန်ပစ်အဖွဲ့အား တိုင်းဒေသကြီးအစိုးရအဖွဲ့က ရွှေတစ်ခုလျှင်(၅)သိန်းကျပ်၊ (၄)ယောက်လက်ဆင့်ကမ်းပြိုင်ပွဲတွင် ရွှေတစ်ခုလျှင်(၁၀)သိန်းကျပ်၊ ငွေတစ်ခုလျှင်(၂) သိန်းကျပ်၊ ကြေးတစ်ခုလျှင်(၁)သိန်းကျပ်နှင့် အုပ်ချုပ်/နည်းပြတစ်ဦးလျှင်(၂)သိန်းကျပ် စုစုပေါင်း(၁၁၃)သိန်း ကျပ် ပေးအပ်ရာ တာဝန်ရှိသူများက လက်ခံယူသည်။

အခမ်းအနားသို့ တိုင်းဒေသကြီးအစိုးရအဖွဲ့ ဝန်ကြီးချုပ်နှင့်ဝန်ကြီးများ၊ တိုင်းဒေသကြီးဉပဒေချုပ်၊ ဌာနဆိုင်ရာတာဝန်ရှိသူများ၊ အသင်းအုပ်ချုပ်သူနှင့် အားကစားသမားများတက်ရောက်ခဲ့ကြောင်း သိရသည်။

 

တိုင်းဒေသကြီးပြန်/ဆက်

Source URL: https://www.67694772-70-20191006153726.webstarterz.com/spedmyanmar.com/content/%E1%80%90%E1%80%AD%E1%80%AF%E1%80%84%E1%80%BA%E1%80%B8%E1%80%92%E1%80%B1%E1%80%9E%E1%80%80%E1%80%BC%E1%80%AE%E1%80%B8%E1%80%94%E1%80%BE%E1%80%84%E1%80%BA%E1%80%B7%E1%80%95%E1%80%BC%E1%80%8A%E1%80%BA%E1%80%94%E1%80%9A%E1%80%BA-%E1%80%A1%E1%80%9E%E1%80%80%E1%80%BA%E1%81%82%E1%81%85%E1%80%94%E1%80%BE%E1%80%85%E1%80%BA%E1%80%A1%E1%80%B1%E1%80%AC%E1%80%80%E1%80%BA-%E1%80%95%E1%80%BC%E1%80%B1%E1%80%B8%E1%80%81%E1%80%AF%E1%80%94%E1%80%BA%E1%80%95%E1%80%85%E1%80%BA%E1%80%95%E1%80%BC%E1%80%AD%E1%80%AF%E1%80%84%E1%80%BA%E1%80%95%E1%80%BD%E1%80%B2%E1%80%90%E1%80%BD%E1%80%84%E1%80%BA