Published on spedmyanmar (https://www.67694772-70-20191006153726.webstarterz.com/spedmyanmar.com)

Home > အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးမျိုးလှိုင်မှ ပြည်ပသို့သွားရောက်မည့် မြန်မာအားကစားအဖွဲ့ဝင်များအား လမ်းညွှန်အမှာစကားပြောကြား

အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးမျိုးလှိုင်မှ ပြည်ပသို့သွားရောက်မည့် မြန်မာအားကစားအဖွဲ့ဝင်များအား လမ်းညွှန်အမှာစကားပြောကြား

 
နေပြည်တော်၊ မတ် (၂၁)ရက်။
 
ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာန၊ ညွှန်ကြားရေးမှူးချုပ်ဦးမျိုးလှိုင်သည် ယနေ့နံနက်(၁ဝ)နာရီအချိန်တွင် ရုံးအမှတ်(၃၁) အစည်းအဝေးခန်းမ၌ 2018 Rayong NTT- Sprint Triathlon Asian Cup? Yunnan Minzu University of International Tai Ji College's 2nd Anniversary and Yunnan Minzu University Health Education Reform နှင့် (၁၃)ကြိမ်မြောက် အရှေ့တောင်အာရှ လူငယ်ပြေးခုန်ပစ်ပြိုင်ပွဲသို့သွားရောက်ယှဉ်ပြိုင်မည့် အားကစားအဖွဲ့ဝင်များအား တွေ့ဆုံလမ်းñွှန် အမှာစကားပြောကြားပါသည်။
 
ရှေးဦးစွာ ပြည်ပသို့ သွားရောက်မည့် မြန်မာအားကစားအဖွဲ့ဝင်များမှ အားကစားနှင့် ကာယပညာဦးစီးဌာန ညွှန်ကြားရေးမှူးချုပ်ဦးမျိုးလှိုင်အား တစ်ဦးချင်းစီ မိတ်ဆက်ဂါရဝပြုကြပါ သည်။  
 
ထို့နောက် မြန်မာနိုင်ငံသုံးမျိုးစုံအဖွဲ့ချုပ် အုပ်ချုပ်သူ/နည်းပြအဖြစ်ဆောင်ရွက်မည့် ဦးရဲအောင်မှ ရှင်းလင်းတင်ပြရာတွင် ယခုသွားရောက်ယှဉ်ပြိုင်မည့်ပြိုင်ပွဲသည် ထိုင်းနိုင်ငံတွင် မတ်လ (၂၄)ရက်နေ့တွင်ကျင်းပပြုလုပ်မည့် Sprint Triathlon Asian Cup  ပြိုင်ပွဲသို့ ပြိုင်ပွဲဝင်နိုင်ငံ (၁၁) နှင့် အားကစားသမားစုစုပေါင်း(၃၈)ခန့်ဖြင့် ဝင်ရောက်ယှဉ်ပြိုင်မှာဖြစ်ကြောင်း၊ အတွေ့အကြုံကောင်းများရရှိရန်နှင့် ပြိုင်ဘက်နိုင်ငံများ၏ အားသာချက်/အားနည်းချက်များကို သုံးသပ်လေ့လာပြီး အောင်မြင်မှုများရရန်အတွက် ကြိုးစားယှဉ်ပြိုင်သွားမှာ ဖြစ်ကြောင်း ပြောကြားခဲ့ပါသည်။
 
ဆက်လက်ပြီး မြန်မာနိုင်ငံဝူရှူးအဖွဲ့ချုပ် အုပ်ချုပ်သူအဖြစ်ဆောင်ရွက်မည့် ဦးသီဟဇော်မှ ရှင်းလင်တင်ပြရာတွင် တရုတ်ပြည်သူ့သမ္မတနိုင်ငံ၌ (၂၉-၃-၂ဝ၁၈)ရက်မှ (၁-၄-၂ဝ၁၈)ရက်အထိ သွားရောက်သရုပ်ပြမည့် ့Yunnan Minzu University ဖိတ်ခေါ်ပွဲသို့ မြန်မာဝူရှူးအားကစားအဖွဲ့ဝင်သည်  သရုပ်ပြအဖွဲ့အနေဖြင့်သွားရောက်မည််ဖြစ်ကြောင်း၊ အခြား ဖိတ်ခေါ်ထားသောနိုင်ငံများ၏ နည်းစနစ်ပိုင်းများနှင့်အတွေ့အကြုံများကို လေ့လာသွားမည် ဖြစ်ကြောင်း ပြောကြားခဲ့ပါသည်။
 
 
ဆက်လက်ပြီး မြန်မာနိုင်ငံပြေးခုန်ပစ်အဖွဲ့ချုပ် ဦးသိန်းသန်းနိုင်မှ ရှင်းလင်းတင်ပြရာ တွင် ယခုုသွားရောက်ယှဉ်ပြိုင်မည့် ပြိုင်ပွဲသည် ထိုင်းနိုင်ငံတွင် (၃-၄-၂ဝ၁၈)ရက်မှ (၄-၄-၂ဝ၁၈)ရက်အထိ ကျင်းပပြုလုပ်မည့် (၁၃)ကြိမ်မြောက်အရှေ့တောင်အာရှ လူငယ်ပြေးခုန်ပစ် ပြိုင်ပွဲသို့ ပြိုင်ပွဲနိုင်ငံ(၁၁)နိိုင်ငံ ပြိုင်ပွဲဝင်အားကစားသမားစုစုပေါင်း(၂ဝဝ)ခန့် ဝင်ရောက် ယှဉ်ပြိုင်မှာဖြစ်ကြောင်း၊ မြန်မာအားကစားသမားများအနေဖြင့် Event (၄)မျိုး ဝင်ရောက်ယှဉ်ပြိုင် သွားမည်ဖြစ်ကြောင်း၊ ဆုတံဆိပ်လည်းမျှော်မှန်းထားပြီး အောင်မြင်မှုများရရှိရန် ကြိုးစားယှဉ်ပြိုင် သွားမည်ဖြစ်ကြောင်း ပြောကြားခဲ့ပါသည်။
 
ယင်းနောက် ညွှန်ကြားရေးမှူးချုပ်ဦးမျိုးလှိုင်မှ လမ်းညွှန်အမှာစကား ပြောကြားရာတွင် ယခုသွားရောက်ယှဉ်ပြိုင်မည့် အားကစားအဖွဲ့များအနေဖြင့် သုံးမျိုးစုံအားကစားသမားများအနေဖြင့် ယခင်အတွေ့အကြုံများကိုလေ့လာပြီး ယခုပြိုင်ပွဲတွင် လက်ရှိစံချိန်ထက်မလျော့ပဲ ကြိုးစားယှဉ်ပြိုင် လိုပါကြောင်း၊ ဝူရှူးအားကစားသမားများအနေဖြင့် သရုပ်ပြအဖွဲ့အဖြစ် ဖိတ်ကြားခြင်းခံရမှုအတွက် ဂုဏ်ယူမိပါကြောင်း၊ ဗီဒီယိုမှတ်တမ်းများထားရှိရန်နှင့် စိတ်အေးအေး နှင့်အမှားအယွင်းမဖြစ်ပဲ မြန်မာနိုင်ငံ၏ဂုဏ်ကိုပိုမိုထင်ရှားအောင်ပြသရန်လိုအပ်ပါကြောင်း၊ ပြေးခုန်ပစ်အားကစားသမား အနေဖြင့်် မိမိတို့ဝင်ရောက်ယှဉ်ပြိုင်မည့် ပြိုင်ပွဲတိုင်းတွင် ဆုတံဆိပ်များရရှိအောင် ကြိုးစားကြစေလိုကြောင််း၊ ယခုတက်ရောက်လာအားကစားများအနေဖြင့် ကိုယ့်ကိုကိုယ့် ယုံကြည်မှု ရှိပြီး စိတ်ဓာတ်ကြံ့ခိုင်ဖို့အထူးလိုအပ်ပါကြောင်း၊ အတွေ့အကြုံကောင်းများစွာရရှိပြီး နောင်လာမည့် ပြိုင်ပွဲများတွင် အောင်မြင်မှုရရှိအောင် ကြိုးစားကြဖို့ လမ်းညွှန်မှာကြားကာ အခမ်းအနားကို ရုတ်သိမ်းခဲ့ကြောင်း သတင်းရရှိပါသည်။
 
Source URL: https://www.67694772-70-20191006153726.webstarterz.com/spedmyanmar.com/content/%E1%80%A1%E1%80%AC%E1%80%B8%E1%80%80%E1%80%85%E1%80%AC%E1%80%B8%E1%80%94%E1%80%BE%E1%80%84%E1%80%BA%E1%80%B7%E1%80%80%E1%80%AC%E1%80%9A%E1%80%95%E1%80%8A%E1%80%AC%E1%80%A6%E1%80%B8%E1%80%85%E1%80%AE%E1%80%B8%E1%80%8C%E1%80%AC%E1%80%94-%E1%80%8A%E1%80%BD%E1%80%BE%E1%80%94%E1%80%BA%E1%80%80%E1%80%BC%E1%80%AC%E1%80%B8%E1%80%9B%E1%80%B1%E1%80%B8%E1%80%99%E1%80%BE%E1%80%B0%E1%80%B8%E1%80%81%E1%80%BB%E1%80%AF%E1%80%95%E1%80%BA-%E1%80%A6%E1%80%B8%E1%80%99%E1%80%BB%E1%80%AD%E1%80%AF%E1%80%B8%E1%80%9C%E1%80%BE%E1%80%AD%E1%80%AF%E1%80%84%E1%80%BA%E1%80%99%E1%80%BE-%E1%80%95%E1%80%BC%E1%80%8A%E1%80%BA%E1%80%95%E1%80%9E%E1%80%AD%E1%80%AF%E1%80%B7%E1%80%9E%E1%80%BD%E1%80%AC%E1%80%B8%E1%80%9B%E1%80%B1%E1%80%AC%E1%80%80%E1%80%BA%E1%80%99%E1%80%8A%E1%80%BA%E1%80%B7-1