Published on spedmyanmar (https://www.67694772-70-20191006153726.webstarterz.com/spedmyanmar.com)

Home > (၂ဝ)ကြိမ်မြောက် အရှေ့တောင်အာရှ အသက်(၂ဝ) နှစ်အောက် (အမျိုးသား) ဘော်လီဘောပြိုင်ပွဲများ ဆက်လက်ကျင်းပ

(၂ဝ)ကြိမ်မြောက် အရှေ့တောင်အာရှ အသက်(၂ဝ) နှစ်အောက် (အမျိုးသား) ဘော်လီဘောပြိုင်ပွဲများ ဆက်လက်ကျင်းပ

နေပြည်တော်၊ဇူလိုင်လ(၁၃)ရက်။

အရှေ့တောင်အာရှဘော်လီဘောအဖွဲ့ချုပ်နှင့် မြန်မာနိုင်ငံ ဘော်လီဘောအဖွဲ့ချုပ်တို့ ပူးပေါင်း၍ မြန်မာနိုင်ငံမှ အိမ်ရှင်အဖြစ်လက်ခံကျင်းပသည့် (၂ဝ)ကြိမ် မြောက် အရှေ့တောင်အာရှ အသက်(၂ဝ) နှစ်အောက် (အမျိုးသား) ဘော်လီဘော (20th South East Asian Men's U-20 Volleyball Championship 2018) ပြိုင်ပွဲကို ယနေ့နေ့လည် (၁၂:ဝဝ)နာရီအချိန်တွင် ဝဏ္ဏသိဒ္ဓိအားကစားရုံ (B)၌ ယှဉ်ပြိုင်ကစားရာ ထိုင်းအသင်းမှ မလေးရှား အသင်းကို (၂၅-၁၈)၊ (၂၅-၁ဝ)၊ (၂၅-၂၃) (၃)ပွဲပြတ် ဖြင့်လည်းကောင်း၊ နေ့လည် (၂:ဝဝ) နာရီ အချိန်တွင် မြန်မာအသင်း(က)မှ မြန်မာအသင်း (ခ)ကို (၂၅-၁၆)၊ (၂၅-၁၁)၊ (၂၅-၁၃)  (၃)ပွဲပြတ် ဖြင့်လည်းကောင်းအသီးသီး အနိုင်ရရှိသွားကြောင်း သတင်းရရှိပါသည်။

(၁၄.၇.၂ဝ၁၈)ရက်နေ့ ပွဲစဉ်များအဖြစ် နေ့လည်(၁၂:ဝဝ) နာရီအချိန်တွင် မြန်မာအသင်း (က)နှင့် ထိုင်းအသင်းတို့သည်လည်းကောင်း၊ နေ့လည်(၂:ဝဝ)နာရီ အချိန်တွင် မြန်မာအသင်း(ခ) နှင့် မလေးရှားအသင်း တို့သည်လည်းကောင်း ဝဏ္ဏသိဒ္ဓိအားကစားရုံ(B)၌ အသီးသီးယှဉ်ပြိုင်ကစား ကြမည်ဖြစ်ပါသဖြင့် အားကစားကို စိတ်ပါဝင်စားသော မိဘပြည်သူများ အနေဖြင့် မည်သူမဆို အခမဲ့လာရောက် ကြည့်ရှုနိုင်ပါကြောင်း သိရှိရသည်။

 

Source URL: https://www.67694772-70-20191006153726.webstarterz.com/spedmyanmar.com/content/%E1%81%82%E1%80%9D%E1%80%80%E1%80%BC%E1%80%AD%E1%80%99%E1%80%BA%E1%80%99%E1%80%BC%E1%80%B1%E1%80%AC%E1%80%80%E1%80%BA-%E1%80%A1%E1%80%9B%E1%80%BE%E1%80%B1%E1%80%B7%E1%80%90%E1%80%B1%E1%80%AC%E1%80%84%E1%80%BA%E1%80%A1%E1%80%AC%E1%80%9B%E1%80%BE-%E1%80%A1%E1%80%9E%E1%80%80%E1%80%BA%E1%81%82%E1%80%9D-%E1%80%94%E1%80%BE%E1%80%85%E1%80%BA%E1%80%A1%E1%80%B1%E1%80%AC%E1%80%80%E1%80%BA-%E1%80%A1%E1%80%99%E1%80%BB%E1%80%AD%E1%80%AF%E1%80%B8%E1%80%9E%E1%80%AC%E1%80%B8-%E1%80%98%E1%80%B1%E1%80%AC%E1%80%BA%E1%80%9C%E1%80%AE%E1%80%98%E1%80%B1%E1%80%AC%E1%80%95%E1%80%BC%E1%80%AD%E1%80%AF%E1%80%84%E1%80%BA%E1%80%95%E1%80%BD%E1%80%B2%E1%80%99%E1%80%BB%E1%80%AC%E1%80%B8-%E1%80%86%E1%80%80%E1%80%BA%E1%80%9C%E1%80%80%E1%80%BA%E1%80%80%E1%80%BB%E1%80%84%E1%80%BA%E1%80%B8%E1%80%95