skip to content
 
 
ဒေါ့ဖုန်းယန် ဩဂုတ် ၂၀
 
ကချင်ပြည်နယ်၊ ဗန်းမော်ခရိုင်၊ ဒေါ့ဖုန်းယန်မြို့ရှိ လူငယ်လူရွယ်များ အားကစား ဝါသနာပါပြီး ခန္ဓာကိုယ်ကျန်းမာကြံ့ခိုင်စေရန် ရည်ရွယ်၍ မြို့အုပ်ချုပ်ရေးမှူးဖလား ဘောလုံးပြိုင်ပွဲ နောက်ဆုံး ဗိုလ်လုပွဲနှင့် ဆုပေးပွဲအခမ်းအနားကို ယမန်နေ့ မွန်းလွဲပိုင်း ၃ နာရီတွင် မြို့လယ်အားကစားကွင်း၌ ကျင်းပသည်။
 
ဗိုလ်လုပွဲတွင် မြို့ပေါ်ရပ်ကွက်အမှတ်(၁+၂)နှင့် အမှတ်(၃)ရပ်ကွက်တို့ ယှဉ်ပြိုင် ကစားကြရာ အမှတ်(၃)ရပ်ကွက် အသင်းက ၄ ဂိုး ၃ ဂိုး ဖြင့် အနိုင်ရရှိသွားပါသည်။ ဆက်လက်၍ ဆုပေးပွဲကို ကျင်းပရာ ပထမဆု၊ ဒုတိယဆု၊ တတိယဆုနှင့် အသန့်ရှင်းဆုံးဆု ရရှိသူများအား ဒိုင်းဆု၊ လည်ဆွဲပြားနှင့် ငွေသားဆုများကို မြိနယ်အဆင့်ဌာနဆိုင်ရာ တာဝန်ရှိသူတို့က အသီးသီး ပေးအပ်ချီးမြှင့်ကြသည်။
 
အဆိုပါ မြို့အုပ်ချုပ်ရေးမှူးဖလား ရပ်ကွက်/ကျေးရွာပေါင်းစုံ အမျိုးသား (အလွတ်တန်း) ဘောလုံးပြိုင်ပွဲတွင် ပြိုင်ပွဲဝင်အသင်း(၁၂)သင်းက (၂.၈.၂၀၁၉) ရက်နေ့မှ (၁၉.၈.၂၀၁၉) ရက်နေ့ အထိ ပါဝင်ယှဉ်ပြိုင် ကစားခဲ့ခြင်းဖြစ်ကြောင်း သိရသည်။
 
မြို့နယ်(ပြန်/ဆက်)
  • 6 reads
  • Printer-friendly version

back to top
Eng