skip to content
 
နေပြည်တော်၊ စက်တင်ဘာလ(၆)ရက်။
 
ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာနနှင့် မြန်မာနိုင်ငံအလေးမအဖွဲ့ချုပ်တို့ပူးပေါင်း၍ ၂ဝ၁၈ခုနှစ် တိုင်းဒေသကြီးနှင့် ပြည်နယ် အလေးမပြိုင်ပွဲကို ယနေ့နံနက်(၉)နာရီအချိန်တွင် ဝဏ္ဏသိဒ္ဓိအားကစား လက်ဝှေ့ရုံ၌ ကျင်းပ ပြုလုပ်ရာ အမျိုးသား(၆၉)ကီလိုတန်းပြိုင်ပွဲတွင် ဝင်းသော်(ကချင်)မှ ပထမ ၊ ဝေဖြိုးအောင်ပိုင် (ရန်ကုန်)မှဒုတိယနှင့် စောသိုက်စိန်(ဧရာဝတီ) မှ တတိယကိုလည်းကောင်း၊ အမျိုးသမီး(၅၈) ကီလို တန်းပြိုင်ပွဲတွင်   ဆုမြတ်မွန်(ရန်ကုန်)မှ ပထမ ၊ နော်ဆာမူဖောဝါး(ရန်ကုန်)မှ ဒုတိယနှင့် မိုင်မိုးသီတာအေး(နေပြည်တော်)မှ တတိယကိုလည်းကောင်း၊ အမျိုးသား (၇၇)ကီလိုတန်း ပြိုင်ပွဲတွင် ဝေယံဖြိုး(နေပြည်တော်)မှပထမ၊ နိုင်ရွွှေထက်(ဧရာဝတီ)မှ ဒုတိယနှင့် ခွန်မောင်ခင် (ဧရာဝတီ)မှ တတိယကိုလည်းကောင်း အသီးသီးရရှိခဲ့ပြီး ဆုများကို အားကစားနှင့်ကာယပညာဦးစီးဌာနမှ တာဝန်ရှိသူများကအသီးသီးပေးအပ် ချီးမြှင့်ခဲ့ကြပါသည်။
 
 
 
ညနေပိုင်းပွဲစဉ်တွင် အမျိုးသမီး(၆၃)ကီလိုတန်း အလေးမပြိုင်ပွဲ ဆက်လက် ယှဉ်ပြိုင်လျက်ရှိကြောင်း သတင်းရရှိပါသည်။ 
 
အဆိုပါအလေးမပြိုင်ပွဲ အမျိုးသား(၈၅)ကီလိုတန်း၊ (၉၄)ကီလိုတန်း၊ (၁ဝ၅)ကီလိုတန်း၊ (+၁ဝ၅)ကီလိုတန်းနှင့် အမျိုးသမီး(၆၉)ကီလိုတန်း၊ (၇၅)ကီလိုတန်း၊ (၉ဝ)ကီလိုတန်း၊ (+၉ဝ)ကီလိုတန်းပြိုင်ပွဲများကို ဝဏ္ဏသိဒ္ဓိအားကစားလက်ဝှေ့ရုံတွင် (၇.၉.၂ဝ၁၈)ရက်နေ့ နံနက် (၇)နာရီအချိန်မှ စတင်ပြီးယှဉ်ပြိုင်ကစားကြမည်ဖြစ်ပြီး ပြိုင်ပွဲများအပြီး ညနေ(၃)နာရီအချိန်တွင် ဆုပေးပွဲအခမ်းအနားအား ကျင်းပပြုလုပ်မည်ဖြစ်ပါသဖြင့် အားကစားကိုစိတ်ပါဝင်စားသော မိဘပြည်သူများအနေဖြင့် မည်သူမဆို အခမဲ့လာရောက် ကြည့်ရှုနိုင်ပါကြောင်းသိရှိရပါသည်။
 
 
 
  • 10 reads
  • Printer-friendly version

back to top
Eng