skip to content
 
နေပြည်တော်၊စက်တင်ဘာ(၁၂)ရက်။    
 
၂၀၁၉ခုနှစ်၊ ၀န်ကြီးဌာနပေါင်းစုံဘော်လီဘော(အမျိုးသမီး) ဗိုလ်လုပွဲ ပွဲစဉ်ကို ယနေ့နံနက်(၈)နာရီခွဲအချိန်မှစတင်၍ ၀ဏ္ဏသိဒ္ဓိအားကစားရုံ(B)တွင် ဆက်လက်ယှဉ်ပြိုင်ကစားလျက်ရှိပါသည်။
 
ယနေ့ယှဉ်ပြိုင်ကစားသော (အမျိုးသမီး)ဗိုလ်လုပွဲ ပွဲစဉ်အဖြစ် ပြည်ထဲရေး၀န်ကြီးဌာနအသင်းနှင့် ကျန်းမာရေးနှင့်အားကစား၀န်ကြီးဌာနအသင်းတို့ယှဉ်ပြိုင်ကစားကြရာ ပြည်ထဲရေး၀န်ကြီးဌာနအသင်းမှ (၂၄-၂၆)မှတ်၊ (၂၅-၁၉)မှတ်၊ (၂၅-၂၂)မှတ်၊ (၁၈-၂၅)မှတ်၊ (၁၅-၁၃)မှတ်ဖြင့်လည်းကောင်း အသီးသီးအနိုင်ရရှိသွားပါသည်။
 
 
 
အဆိုပါ ပြိုင်ပွဲသို့ အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးမျိုးလှိုင်၊ ဒုတိယညွှန်ကြားရေးမှူးချုပ်များဖြစ်ကြသော ဦးထွန်းမြင့်ဦး၊ ဦးကျော်ဆန်းနှင့်တာ၀န်ရှိသူများ၊ ပြည်ထဲရေး၀န်ကြီးဌာနမှတာ၀န်ရှိသူများ၊ မြန်မာနိုင်ငံဘော်လီဘောအဖွဲ့ချုပ်မှတာ၀န်ရှိသူများ တက်ရောက်ကြည့်ရှုအားပေးခဲ့ကြပါသည်။
 
(၁၃.၉.၂၀၁၉)ရက်နေ့ နံနက်(၈)နာရီခွဲအချိန်မှစတင်၍ (အမျိုးသား)ဗိုလ်လုပွဲ ပွဲစဉ်အဖြစ် ပြည်ထဲရေး၀န်ကြီးဌာနအသင်းနှင့် ကာကွယ်ရေး၀န်ကြီးဌာနအသင်းတို့သည်လည်းကောင်း ဆက်လက်ယှဉ်ပြိုင်ကစားမည်ဖြစ်ပြီး ပြိုင်ပွဲအပြီးဆုပေးပွဲအခမ်းအနားကို ဆက်လက်ကျင်းပပြုလုပ်မည်ဖြစ်ရာ ဘော်လီဘောအားကစားနည်းကို စိတ်ပါ၀င်စားသောမိဘပြည်သူများအနေဖြင့် မည်သူမဆိုအခမဲ့ လာရောက်ကြည့်ရှုနိုင်ပါကြောင်း သတင်းရရှိပါသည်။
 
  • 8 reads
  • Printer-friendly version

back to top
Eng