skip to content
 
ရန်ကုန်၊ အောက်တိုဘာလ( ၁၆ )ရက်။
 
ထိုင်းနိုင်ငံ(ဘန်ကောက်မြို့)၌ အောက်တိုဘာလ (၁ဝ)ရက်နေ့မှ(၁၅)ရက်နေ့အထိကျင်းပသော 2nd  EGAT King's Cup 2018 လူငယ်အလေးမပြိုင်ပွဲသို့သွားရောက်ယှဉ်ပြိုင်ခဲ့သော Junior တန်း မြန်မာလူငယ်အလေးမအားကစား အသင်းသည်အမျိုးသမီး(၂)ဦး၊ အမျိုးသား(၂)ဦး ဝင်ရောက်ယှဉ်ပြိုင်ခဲ့ရာ ပြိုင်ပွဲဝင်(၄)ဦးစလုံး ဆုတံဆိပ်များ ထိုက်ထိုက်တန်တန်ရယူပေးနိုင်ခဲ့ပြီး၊ Junior Women (၄၈)ကီလိုတန်းပြိုင်ပွဲတွင်မြန်မာမှဇင်မေဦး က အမြန်မတွင်ရွှေတံဆိပ်(၁)ခု၊ နှစ်ဆင့်မတွင်ရွှေတံဆိပ်(၁)ခုနှင့်စုစုပေါင်းစံချိန် (၁၇၅)ကီလိုတွင်ရွှေတံဆိပ်(၁)ခု၊ စုစုပေါင်းရွှေတံဆိပ်(၃)ခုကိုလည်းကောင်း၊ Junior Men (၆၂)ကီလိုတန်း ပြိုင်ပွဲတွင်ကောင်းဆက်နိုင် က နှစ်ဆင့်မစံချိန် (၁၄ဝ)ကီလိုဖြင့်ငွေတံဆိပ်(၁)ခု၊Junior Women (၅၃)ကီလိုတန်းပြိုင်ပွဲတွင် ပြည့်ပြည့်ဖြိုး က အမြန်မတွင်ငွေတံဆိပ်(၁)ခုနှင့်စုစုပေါင်း စံချိန် (၁၆၃)ကီလိုတွင်ငွေတံဆိပ်(၁)ခုဖြင့်လည်းကောင်း၊ အမျိုးသား(+၁ဝ၅)ကီလိုအထက်တန်း ပြိုင်ပွဲတွင်ရန်မျိုးကျော်ကအမြန်မတွင်ငွေတံဆိပ်(၁)ခုနှင့်နှစ်ဆင့်မတွင်ကြေးတံဆိပ်(၁)ခုစုစုပေါင်း စံချိန်(၂၉၁)ကီလိုဖြင့်ငွေတံဆိပ်(၁)ခုစုစုပေါင်း ရွှေတံဆိပ်(၃)ခု၊ ငွေတံဆိပ်(၅)ခုနှင့်ကြေးတံဆိပ်(၁)ခုတို့ရရှိခဲ့သောအောင်ပွဲရ Junior မြန်မာအလေးမအားကစားသမားများသည် ယနေ့နံနက်(၁၁)နာရီခွဲအချိန်၌ထိုင်းနိုင်ငံလေဆိပ်မှ မြန်မာနိုင်ငံအပြည်ပြည်ဆိုင်ရာလေဆိပ်သို့ ပြန်လည်ရောက်ရှိရာ ရန်ကုန်တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူး ဦးအောင်မိုး ၊ အားကစားနှင့်ကာယပညာသိပ္ပံ(ရန်ကုန်) ဒုတိယ ကျောင်းအုပ်ကြီး များနှင့်သင်တန်းသား/သူများ၊ မြန်မာနိုင်ငံအလေးမအဖွဲ့ချုပ်ဥက္ကဌနှင့်အမှုဆောင်များ၊ မိဘဆွေမျိုးများနှင့်မိတ်သင်္ဂဟများတို့က သောင်းသောင်းဖြဖြကြိုဆိုခဲ့ကြကြောင်းသိရှိရသည်။
 
 
  • 5 reads
  • Printer-friendly version

back to top
Eng